მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ნავთობზე ფასები ბარელზე 30 დოლარს ჩამოსცდა: დაცემა გრძელდება

© photo: Sputnik / Brian Smith / გადასვლა მედიაბანკშინიუ-იორკის საფონდო ბირჟა
ნიუ-იორკის საფონდო ბირჟა - Sputnik საქართველო
გამოწერა
ბანკ Goldman Sachs-ის მონაცემებით, ნავთობის ბაზარზე არსებული პანიკის ფონზე ნავთობის ღირებულება, შესაძლოა, ერთ ბარელზე 20 დოლარამდეც დაეცეს.

თბილისი, 16 მარტი — Sputnik. ფასების ვარდნამ Brent-ის მარკის ნავთობზე ორშაბათს თითქმის 9% შეადგინა და ერთ ბარელზე 31 აშშ დოლარს ჩამოსცდა, მოწმობს ვაჭრობის შედეგები. 

OPEC - Sputnik საქართველო
OPEC-ის ქვეყნები ნავთობს აიაფებენ: ბირჟაზე ფასები კვლავ ეცემა

მაისის  ფიუჩერსების ფასი Brent-ის მარკის ნავთობის შენაერთებზე 14:08 საათისთვის (თბილისის დროით) 8,77%-ით ეცემოდა და ერთ ბარელზე 30,88 აშშ დოლარს შეადგენდა. ხოლო WTI-ს მარკაზე მაისის ფიუჩერსები 5,95%-ით იკლებდა და 30,25 აშშ დოლარს უტოლდებოდა ერთ ბარელზე.

ფიუჩერსი — ვადიანი საბირჟო კონტრაქტია, რომლის ერთი მხარე იღებს ვალდებულებას შეისყიდოს, ხოლო მეორე – გაყიდოს საბაზისო აქტივების განსაზღვრული რაოდენობა დადგენილ ვადაში, ფიქსირებულ ფასად. 

შეგახსენებთ, ნავთობზე კოტირებები 6 მარტს ჩამოიშალა, მას შემდეგ, რაც OPEC+-ის შეთანხმების მონაწილე ქვეყნებმა ვერ მოილაპარაკეს ვერც გარიგების პარამეტრების შეცვლისა და ვერც მისი გაგრძელების თაობაზე. ეს კი იმაზე მეტყველებს, რომ შეთანხმება 31 მარტს დაასრულებს მოქმედებას.

ნავთონის ექსპორტიორი ქვეყნების შეთანხმების წევრი რუსეთი არსებული პირობების შენარჩუნების მომხრე იყო, ხოლო საუდის არაბეთი ნავთობის მოპოვების დამატებით შემცირებას მოითხოვდა. შედეგად – ბათილდება OPEC+-ის ქვეყნების ყველა ვალდებულება საწვავის მოპოვების შეზღუდვებთან დაკავშირებით.

ბანკ Goldman Sachs-ის გათვლით, ნავთობის ბაზარზე არსებული პანიკის ფონზე ნავთობის ღირებულება, შესაძლოა, ერთ ბარელზე 20 დოლარამდეც კი დაეცეს.

ყველა ახალი ამბავი
0