თბილისი, 10 მარტი — Sputnik. ევროპაში აშშ-ის შეიარაღებული ძალების სარდალი კრისტოფერ კავოლი შესაძლოა კორონავირუსით იყოს ინფიცირებული. ამის შესახებ პენტაგონის სპიკერმა რაიან მაკარტიმ მასმედიასთან ინტერვიუს დროს განაცხადა.
The commander of U.S. Army Europe might have been exposed to the coronavirus during a recent conference, the @USArmy announced Monday.https://t.co/nT2BHDYFVl
— Stars and Stripes (@starsandstripes) March 10, 2020
გავრცელებული ინფორმაციით, შესაძლოა, კავოლი ერთ-ერთ კონფერენციაზე დაინფიცირდა.
რაიან მაკარტის თქმით, ამჟამად მაღალჩინოსანი სამხედრო და მისი შტაბის რამდენიმე წევრი ექიმების მეთვალყურეობის ქვეშ იმყოფებიან.
COVID 19: გამოვლინდა კორონავირუსის ახალი სიმპტომები>>
ექიმებმა აშშ-ის ყველა სამხედროს მოუწოდეს, რომლებიც ახლა საზღვარგარეთ იმყოფებიან, აცნობონ კორონავირუსით ინფიცირების ნიშნების შესახებ, რათა არ მოხდეს მისი გავრცელება.
ბოლო მონაცემებით, მსოფლიოს 115 ქვეყანაში კორონავირუსით ინფიცირების 114 457 შემთხვევაა დაფიქსირებული. აქედან ჩინეთზე 80 756 მოდის, სადაც ეს მაჩვენებელი ბოლო დღეებში უმნიშვნელოდ იზრდება. COVID-19-ის შემთხვევები იზრდება: იტალიაში, სადაც უკვე 9 172 ადამიანია ინფიცირებული, სამხრეთ კორეაში (7 513 ინფიცირებული), ირანში (7 161), საფრანგეთში (1 412), ესპანეთში (1 231), გერმანიასა (1 224) და აშშ-ში (754). სულ მსოფლიოს მასშტაბით ინფიცირებულთაგან გარდაიცვალა 4 026 ადამიანი, გამოჯანმრთელდა 64 169 პაციენტი.
