თბილისი, 2 მარტი — Sputnik. ძვირადღირებული ავტომობილების მძღოლები ყველაზე ხშირად არღვევენ მოძრაობის წესებს, ასკვნიან ნევადის უნივერსიტეტის სწავლულები, რომელთა კვლევაც Journal of Transport & Health-შია გამოქვეყნებული.
მეცნიერებმა ექსპერიმენტი ჩაატარეს, რა დროსაც ლას-ვეგასის ერთ-ერთი ქუჩის არარეგულირებად გადასასვლელზე ოთხი ადამიანი გადადიოდა. ტესტმა აჩვენა, რომ გამვლელი ავტომობილებიდან მხოლოდ მძღოლების 28% უთმობდა გზას ფეხით მოსიარულეებს.
მკვლევარებმა დაადგინეს, რომ ავტომობილის ღირებულებასა და იმის ალბათობას შორის, რომ მძღოლი ქვეითს გზას დაუთმობს, პირდაპირი კავშირი არსებობს.
ირკვევა, რომ მანქანის ღირებულების ყოველი ათასი დოლარი თავაზიანობის ალბათობას 3%-ით ამცირებს.
გარდა ამისა, მეცნიერებმა ასევე დაადგინეს, რომ მძღოლები უფრო ხშირად მაშინ აჩერებდნენ მანქანებს „ზებრაზე“, როდესაც მასზე ქალი ან თეთრკანიანი გადადიოდა.
