მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ლიეტუვის პრეზიდენტმა შპიონაჟში ბრალდებული რუსეთის ორი მოქალაქე შეიწყალა

© photo: Sputnik / Aleksey Vitvickiy / გადასვლა მედიაბანკშიგიტანას ნაუსედა
გიტანას ნაუსედა - Sputnik საქართველო
გამოწერა
ლიეტუვის პრეზიდენტის საიტზე ნათქვამია, რომ შპიონაჟის ბრალდებით დაპატიმრებული რუსეთის ორი მოქალაქე „სასჯელის დარჩენილი ვადის მოხდისგან“ თავისუფლდება.

თბილისი, 15 ნოემბერი — Sputnik. ლიეტუვის პრეზიდენტმა გიტანას ნაუსედამ რუსეთის ორი მოქალაქე – ნიკოლაი ფილიპჩენკო და სერგეი მოისეენკო შეიწყალა, რომლებიც შპიონაჟის ბრალდებით იყვნენ მსჯავრდებულები, ნათქვამია რესპუბლიკის მეთაურის ოფიციალურ საიტზე

სოსო რამიშვილი და ენტონი მიკულსკისი - Sputnik საქართველო
საქართველო და ლიეტუვა ფინანსურ დანაშაულებს ერთად შეებრძოლებიან

გავრცელებული ინფორმაციით, მათ „სასჯელის დარჩენილი ვადის მოხდისგან“ ათავისუფლებენ.

ფილიპჩენკო 2015 წელს დააკავეს კალინინგრადის ოლქიდან ბელარუსისკენ მიმავალ მატარებელში. პროკურატურის ვერსიით, ის იმ ორგანიზებული ჯგუფის წევრი იყო, რომელიც რამდენჯერმე შეხვდა ლიეტუვის მოქალაქეებს – მათი გადაბირების მიზნით. 2017 წლის აგვისტოში ვილნიუსის სასამართლომ ნიკოლაი ფილიპჩენკოს ათი წლით თავისუფლების აღკვეთა მიუსაჯა.

მოისეენკო და ლიეტუვის მოქალაქე სერგეი პუშჩინი შპიონაჟის ბრალდებით 2014 წელს დააკავეს. ეს უკანასკნელი, პროკურატურის ვერსიით, საიდუმლო ინფორმაციას აგროვებდა რუსეთის დაზვერვისთვის და მათ მოისეენკოს გადასცემდა.

გარდა ამისა, პუშჩინი ასევე დაადანაშაულეს ლიეტუვის თავდაცვის სამინისტროს საიდუმლო დოკუმენტაციის გადაცემაში, ხოლო მოისეენკო — იარაღისა და ასაფეთქებელი ნივთიერებების უკანონო შენახვაში. 2017 წლის თებერვალში ლიეტუვის მოქალაქეს ხუთი წლით პატიმრობა მიესაჯა, ხოლო რუსეთის მოქალაქეს — 10,5 წლით თავისუფლების აღკვეთა.

 

ყველა ახალი ამბავი
0