მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ომანის ყურეში გადარჩენილი ქართველი მეზღვაური დუბაიშია

© photo: Maritime Transport Agency of Georgia / FBქართველი მეზღვაურის ფორმა
ქართველი მეზღვაურის ფორმა - Sputnik საქართველო
გამოწერა
ორივე ტანკერის ეკიპაჟის წევრები უვნებლები არიან.

თბილისი, 16 ივნისი — Sputnik. ნორვეგიული კომპანიის კუთვნილი ტანკერის ეკიპაჟის ყველა წევრი, რომელთა შორის საქართველოს ერთი მოქალაქეცაა, დუბაიში ჩაფრინდა, იუწყება პირველი არხი სააგენტო Reuters-ზე დაყრდნობით.

კომპანიის ცნობით, ეკიპაჟის 23 წევრი დუბაიში ირანის ქალაქ ბენდერ-აბასიდან გაფრინდა.

ქართველი მეზღვაურის ფორმა - Sputnik საქართველო
ცნობილი ხდება ომანის ყურეში გადარჩენილი ქართველი მეზღვაურის მდგომარეობა

თავდასხმა ნორვეგიის დროშით მცურავ Front Altair-სა და პანამურ Kokuka Courageous-ზე 13 ივნისს მოხდა. ირანის შესაბამისმა სამსახურებმა 44 მეზღვაური გადაარჩინეს და საკუთარ ტერიტორიაზე გადაიყვანეს. ნორვეგიული გაზეთი VG-ს ინფორმაციით, Front Altair-ზე საქართველოს, რუსეთისა და ფილიპინების მოქალაქე მეზღვაურები იმყოფებოდნენ.

ტელეკომპანიის ინფორმაციით, ეკიპაჟის წევრების უმრავლესობა დუბაიდან პირდაპირ სამშობლოში გაემგზავრა. დანარჩენები კი, საუდის არაბეთს 16 ივნისს დატოვებენ.

ნორვეგიული კომპანიის კუთვნილი ხომალდის ეკიპაჟი ირანელმა მესაზღვრეებმა და მაშველებმა ირანის პორტში გადაიყვანეს, მეორე ტანკერიდან კი, რომელიც იაპონურ კომპანიას ეკუთვნოდა, ეკიპაჟის წევრები ამერიკული საზღვაო ხომალდის ბორტზე გადაიყვანეს. ორივე ტანკერის ეკიპაჟის წევრები უვნებლები არიან.

ქართველი მეზღვაურის ცხედარი ლიბიიდან საქართველოში ჩამოასვენეს >>

აღსანიშნავია, რომ ომანის ყურეში მომხდარი ინციდენტიდან რამდენიმე საათის შემდეგ ლიბანურმა ტელეარხმა Al-Mayadeen-მა, წყაროზე დაყრდნობით გაავრცელა ინფორმაცია, რომ Front Altair-ი ჩაიძირა. ამასთან, ეს ინფორმაცია უარყო „როიტერმა“ და აღნიშნა, რომ ხომალდი ჯერ ისევ იწვის.

ამ დროისათვის თავად ომანის ხელისუფლება მხოლოდ ნორვეგიულ ტანკერზე თავდასხმის ფაქტს ადასტურებს და აღნიშნავს, რომ ინციდენტი ირანის ტერიტორიულ წყლებში მოხდა.

ფაქტის გამოძიებაში ჩაერთო ორგანიზაცია „დიდი ბრიტანეთის საზღვაო-სავაჭრო ოპერაციები“ (UKMTO).

ყველა ახალი ამბავი
0