თბილისი, 22 სექტემბერი — Sputnik. ირანის სამხრეთში სამხედრო აღლუმის დროს მომხდარი ტერაქტის დროს 24 ადამიანი დაიღუპა, 53 დაიჭრა, იუწყება РИА Новости ადგილობრივ მედიაზე დაყრდნობით.
მანამდე გავრცელდა ინფორმაცია 11 დაღუპულისა და 21 დაშავებულის შესახებ.
ქალაქ აჰვაზში ტერაქტი შაბათ დილით მოხდა. უცნობმა პირებმა ცეცხლი პირდაპირ მსვლელობის დროს გახსნეს. დაშავებულებს შორის ქალები და ბავშვები არიან.
Terrorists recruited, trained, armed & paid by a foreign regime have attacked Ahvaz. Children and journos among casualties. Iran holds regional terror sponsors and their US masters accountable for such attacks. Iran will respond swiftly and decisively in defense of Iranian lives. pic.twitter.com/WG1J1wgVD9
— Javad Zarif (@JZarif) September 22, 2018
თავდასხმაზე პასუხისმგებლობა აიღო დაჯგუფებამ „პატრიოტული არაბული დემოკრატიული მოძრაობა აჰვაზში“, რომელიც საუდის არაბეთთან არის კავშირში.
ირანის საგარეო საქმეთა მინისტრის, მოჰამად ჯავად ზარიფის განცხადებით, ტერაქტზე პასუხისმგებლობა ეკისრება ტერორიზმის რეგიონულ სპონსორებსა და მათ ამერიკელ ინსტრუქტორებს.
სამხედრო აღლუმები დღეს ირანის სხვადასხვა ქალაქში იმართება, მათ შორის თეირანში. აღლუმები ეძღვნება ე.წ. „წმინდა თავდაცვის კვირეულს“ - ხსოვნის ღონისძიებებს, რომლებიც 1980-1988 წლების ირან-ერაყის ომის მოვლენებს უკავშირდება.
