თბილისი, 17 ივნისი — Sputnik. სამგზავრო მატარებელი „ბაიტერეკი“ ასტანა-ალმატი ყაზახეთის ჟამბილის ოლქში ლიანდაგიდან გადავიდა, იუწყება „Sputnik-ყაზახეთი“.
„ოთხი ადამიანი დაშავდა. ერთი მოზარდი დაიღუპა და სამი ადამიანი გადაყვანილია ცენტრალურ რაიონულ საავადმყოფოში“, — განაცხადა საგანგებო სიტუაციების დეპარტამენტის პრესმდივანმა საულეკულ მუნატაევამ.
მატარებლის შემადგენლობაში სულ 20 ვაგონი იყო, აქედან რვა ლიანდაგიდან გადავიდა, სამი ამოყირავდა.
მატარებლის დანარჩენი მგზავრები მეორე ლიანდაგით სხვა სადგურზე გადაიყვანეს.
