თბილისი, 23 მარტი — Sputnik. საფრანგეთის სამხრეთით, ტრების კომუნაში მდებარე სუპერმარკეტში მამაკაცმა მძევლები აიყვანა, იუწყება საინფორმაციო სააგენტო РИА Новости ტელეარხ BFMTV-ზე დაყრდნობით.
გავრცელებული ინფორმაციით, მამაკაცი ტერორისტული ორგანიზაცია „ისლამური სახელმწიფოს“ წევრია, რის შესახებაც თავად განაცხადა.
Prise d’otages dans un supermarché à Trèbes, l’agresseur se revendique de Daesh https://t.co/2jz0oIA7Kn pic.twitter.com/e9CCS0PGEO
— En Cause (@EnCausee) 23 марта 2018 г.
ამ დროისათვის ინციდენტის ადგილი შემოსაზღვრულია და პოლიციელები ოპერაციას ატარებენ.
ზოგი ინფორმაციით, დაღუპულია სუპერმარკეტის თანამშრომელი ერთი მამაკაცი.
გარდა ამისა, ვრცელდება ინფორმაცია, რომ ქალაქ კარკასონში დაუდგენელმა პირმა ცეცხლი გაუხსნა სპეცრაზმელებს, რომელთაგან ერთი დაჭრილია.
ტელეარხი აღნიშნავს, რომ ორივე შემთხვევაში ერთი და იგივე პირი მოქმედებდა.
ამ წუთებში ვრცელდება ინფორმაცია, რომ მძევლებმა სუპერმარკეტიდან გამოსვლა შეძლეს.
საფრანგეთის პრემიერ-მინისტრ ედუარდ ფილიპის განცხადებით, მძევლების აყვანის ვითარება შესაძლებელია შეფასდეს როგორც ტერაქტი.
