თბილისი, 16 მარტი — Sputnik. უკრაინის უმაღლესი რადის დეპუტატი ნადეჟდა სავჩენკო აცხადებს, რომ მზადაა, დაუბრუნოს პრეზიდენტ პეტრო პოროშენკოს „უკრაინის გმირის“ ვარსკვლავი, იუწყება საინფორმაციო სააგენტო РИА Новости.
უკრაინის გენერალური პროკურატურა სავჩენკოს პარლამენტის შენობაში ტერაქტის მომზადებაში სდებს ბრალს. გენპროკურორმა უკვე შეიტანა რადაში განაცხადი სავჩენკოს სისხლის სამართლის პასუხისგებაში მიცემისა და დაპატიმრების თაობაზე.
„[პოროშენკო] რომ სადმე, სასურველია, ქუჩაში შემხვდეს, რა თქმა უნდა, დავუბრუნდებდი „უკრაინის გმირის“ ვარსკვლავს. პრობლემა ისაა, რომ პრეზიდენტთან მოხვედრა არც ისე იოლია და ყველა დეპუტატი არ დაიშვება მასთან“, — ციტირებს სავჩენკოს სიტყვებს ტელეარხი 1+1.
ნადეჟდა სავჩენკოს რუსეთში 22 წლით პატიმრობა ჰქონდა მისჯილი დონბასში ჟურნალისტის მკვლელობის ბრალდებით. 2016 წლის მაისის ბოლოს რუსეთის პრეზიდენტმა ვლადიმირ პუტინმა იგი შეიწყალა, რის შემდეგაც სავჩენკო სამშობლოში დაბრუნდა. უკრაინაში დაბრუნებულმა კი განაცხადა, რომ მზადაა გახდეს ქვეყნის პრეზიდენტი, თუ ხალხი მხარს დაუჭერს.
