15:27 20 ივნისი 2018
პირდაპირი ეთერი
  • EUR2.8363
  • 100 RUB3.8355
  • USD2.4561
სტივენ ჰოკინგი

გენიალური ფიზიკოსი სტივენ ჰოკინგი გარდაიცვალა

CC BY 2.0 / Lwp Kommunikáció / Stephen Hawking
მსოფლიოში
მოკლე ბმულის მიღება
37320

ჰოკინგის შვილებმა ერთობლივ განცხადებაში აღნიშნეს, რომ მათი მამა „იყო დიდი მეცნიერი და არაჩვეულებრივი ადამიანი, რომლის შრომები და მემკვიდრეობა წლობით გააგრძელებს არსებობას".

თბილისი, 14 მარტი — Sputnik. ცნობილი ინგლისელი ფიზიკოს-თეორეტიკოსი სტივენ უილიამ ჰოკინგი კემბრიჯში, საკუთარ სახლში ოთხშაბათს, დილით გარდაიცვალა, იუწყება სააგენტო РИА Новости ადგილობრივ მასმედიაზე დაყრდნობით.

ცნობილი ფიზიკოსი 76 წლის იყო.

ჰოკინგი კოსმოლოგიური სინგულარობის წარმოშობის პრობლემებს სწავლობდა — სამყაროს პირვანდელ მდგომარეობას, საიდანაც ის, დიდი აფეთქების თეორიის თანახმად, უწყვეტად ფართოვდება.

სტივენ ჰოკინგს 22 წლის ასაკში ამიოტროფიული გვერდითი სკლეროზის დიაგნოზი დაუდგინეს. ექიმები თვლიდნენ, რომ მას სიცოცხლის 2-3 წელი დარჩა. თუმცა მათი პროგნოზი არ გამართლდა, ჰოკინგი სამეცნიერო მოღვაწეობას აგრძელებდა, ორჯერ დაქორწინდა და სამი შვილის მამა გახდა.

1998 წელს მან გამოსცა წიგნი „დროის მოკლე ისტორია", რომელიც ათმილიონიანი ტირაჟით გაიყიდა. მასში სამყაროს აღმოჩენაზე, სივრცისა და დროის ბუნებაზე, შავ ხვრელებსა და სუპერსიმების თეორიაზეა საუბარი.

მთლიანად პარალიზებული ჰოკინგი აქტიურ ცხოვრებას ეწეოდა — დაკავებული იყო მეცნიერებით, გამოდიოდა ანგარიშებით, ასწავლიდა და მსოფლიოს სპეციალური კომპიუტერით (ხმის სინთეზატორით) ეკონტაქტებოდა.

2015 წელს გამოვიდა ბრიტანული ფილმი „სტივენ ჰოკინგის სამყარო" (The Theory of Everything), რომელიც მეცნიერის ცხოვრებას ეხება.

მთავარი თემები