თბილისი, 17 იანვარი — Sputnik. ამერიკელმა სენატორმა ორინ ჰეთჩმა გულიანად აცინა ინტერნეტმომხმარებლები უნებლიე ჟესტით, როდესაც არარსებული სათვალე მოიხსნა, იუწყება საინფორმაციო სააგენტო РИА Новости.
ვიდეოს ფრაგმენტი, რომელიც Twitter-ზე ჟურნალისტმა ჯონათან ლევაინმა გამოაქვეყნა, ერთ დღე-ღამეში 60 ათასზე მეტმა ადამიანმა გააზიარა საკუთარ გვერდზე.
WATCH: Sen. Orrin Hatch removes a pair of glasses he's not wearing pic.twitter.com/QXCCb4RHzn
— Jon Levine (@LevineJonathan) January 16, 2018
იუზერები სენატორის მისამართით სახუმარო კომენტარებს არ იშურებდნენ, თუმცა იქვე აღნიშნავდნენ, რომ მსგავსი კაზუსი ხშირად ემართებათ ადამიანებს, რომლებიც დიდხანს ატარებენ სათვალეს, შემდეგ კი ლინზებით ანაცვლებენ მას.
Oh you mean his invisible glasses from Warby Parker? They're new, you've probably never heard of them. pic.twitter.com/pygTRwbJl7
— Senator Hatch Office (@senorrinhatch) January 16, 2018
ენაკვიმატობაში ინტერნეტმომხმარებლებს არც ორინ ჰეთჩის წარმომადგენლები ჩამორჩნენ და განაცხადეს, რომ სენატორმა უხილავი სათვალე დატესტა, რომელიც ჯერ არ გამოსულა გაყიდვაში. თუმცა მოგვიანებით მაინც განმარტეს, რომ ჰეთჩს, უბრალოდ, სათვალე შინ დარჩა, ხოლო ეს უნებლიე ჟესტი დიდი ხნის ჩვევამ განაპირობა.