მიგრანტებით სავსე ნავი საბერძნეთის კუნძულთან ჩაიძირა

© REUTERS / Stefano Rellandini მიგრანტები ზღვაში
მიგრანტები ზღვაში - Sputnik საქართველო
გამოწერა
ტრაგედიის შედეგად ცხრა წლის გოგონა დაიღუპა. გადარჩა 25 ადამიანი.

თბილისი, 28 სექტემბერი — Sputnik. საბერძნეთის კუნძულ კასტელორიზოსთან, თურქეთთან ახლოს ხუთშაბათს მიგრანტებით სავსე ნავი ჩაიძირა, იუწყება საინფორმაციო სააგენტო РИА Новости ბერძნულ სააგენტო АМНА-ზე დაყრდნობით.

ორგანიზაციის SOS წევრი ბავშვთან ერთად - Sputnik საქართველო
ევროკომისიამ ევროპაში ლტოლვილთა განსახლების ახალი სქემა წარმოადგინა

ტრაგედია დღეს, გამთენიისას მოხდა. უცნობია რამდენი ლტოლვილი იმყოფებოდა ნავზე. ნავის გადაბრუნების მიზეზი უამინდობა იყო.

ექვსი ლტოლვილი, მათ შორის სამი ბავშვი საზღვრების დაცვის ევროპული სააგენტო Frontex-ის გემზე აიყვანეს. ცხრა წლის გოგონა ცუდად გახდა და საავადმყოფოში გადაიყვანეს, თუმცა, ექიმების მცდელობის მიუხედავად, მისი გადარჩენა ვერ მოხერხდა.

ოცმა ლტოლვილმა დამოუკიდებლად შეძლო კუნძულამდე გაცურვა, სადაც მათ სანაპირო დაცვა ელოდებოდა.

სამძებრო-სამაშველო ოპერაცია გრძელდება. ტრაგედიის ადგილზე მუშაობს სამხედრო ავიაციის ვერტმფრენი და სანაპირო დაცვის ორი გემი.

ყველა ახალი ამბავი
0