თბილისი, 17 სექტემბერი — Sputnik. საფრანგეთის ქალაქ მარსელის სადგურზე ქალმა ამერიკელ ტურისტებს სახეში მარილმჟავა შეასხა, იუწყება РИА Новости გაზეთ Provence-ზე დაყრდნობით.
გამოცემის ინფორმაციით, ინციდენტი დილის 11 საათზე რკინიგზის სადგურ Saint-Charles-ზე მოხდა, სადაც ოთხი ამერიკელი გოგონა პარიზში მიმავალ მატარებელს ელოდა.
ორი დაშავებული — 20 და 21 წლის გოგონა — საავადმყოფოში გადაიყვანეს. ეჭვმიტანილი, 41 წლის ქალი დაკავებულია.🔴 #Marseille: deux touristes américaines aspergées d'acide au visage en pleine gare #SaintCharles https://t.co/cgftNnTOUC #Faitsdivers pic.twitter.com/tUCUMFrRnI
— La Provence (@laprovence) September 17, 2017
ამასთან პოლიციის თანამშრომლები აღნიშნავენ, რომ დაკავებული არანაირ ტერორისტულ მუქარებს არ გაჰყვიროდა.
