თბილისი, 18 ივნისი — Sputnik. შეჯახებისას დაზიანებული აშშ-ს საზღვაო ფლოტის საესკადრო ნაღმოსანი USS Fitzgerald-ის ჩიძირულ ნაწილში შვიდი მეზღვაურის ცხედარი იპოვეს, იუწყება РИА Новости აშშ-ის მეშვიდე ფლოტის განცხადებაზე დაყრდნობით.
შაბათს, დილით, პრეფექტურა სიძუოკას პორტ სიმოდში მოქმედ ზღვაზე უსაფრთხოების სამსახურში შევიდა შეტყობინება აშშ-ის საესკადრო ნაღმოსნის USS Fitzgerald-ის (154 მეტრი სიგრძისა და 8 300 ტონა წყალწყვის) და ფილიპინების დროშით მცურავი კონტეინერმზიდ ACX Crystal-ის (222,6 მეტრი სიგრძისა და 29 000 ტონა წყალწყვის) ნაპირიდან 20 კილომეტრში მომხდარი შეჯახების შესახებ.
ინციდენტის შედეგად სამი ადამიანი დაიჭრა.
მეზღვაურების ცხედრები გემის ჩაძირულ ნაწილში აღმოაჩინეს. ამოცნობის მიზნით, ცხედრები გადასვენებულია ქალაქ იოკოსუკას საავადმყოფოში
