თბილისი, 29 მარტი — Sputnik. ჩინეთის აღმოსავლეთით ქვეყნის ისტორიაში უდიდესი ოქროს საბადო აღმოაჩინეს, რომლის მარაგიც 22 მილიარდ აშშ დოლარად ფასდება, იუწყება საინფორმაციო სააგენტო РИА Новости სააგენტო China News-ზე დაყრდნობით.
ჩინურმა სააგენტომ, თავის მხრივ, ინფორმაცია კომპანია Shandong Gold Group-ისგან მიიღო.
გავრცელებული ინფორმაციის თანახმად, ძვირფასი მეტალის შემცველი ფენა ორ კილომეტრზე ვრცელდება, ხოლო თავად ფენის სისქე 67 მეტრია. ოქროს შემცველობა მადანში ერთ ტონაზე 4,52 გრამს შეადგენს.
წინასწარი გაანგარიშებით, თუ საწარმო დღეში 10 ათასი ტონა ქანის გადამუშავებას შეძლებს, მარაგი 40 წლის განმავლობაში არ ამოიწურება — უწყვეტად, მთელი სიმძლავრით მუშაობის შემთხვევაშიც კი.