თბილისი, 3 თებერვალი — Sputnik. აშშ-ის ახალმა თავდაცვის მინისტრმა ჯეიმს მეტისმა ჩრდილოეთ კორეა ბირთვული იარაღის გამოყენების შემთხვევაში მის შედეგებზე გააფრთხილა — პასუხი იქნება „ეფექტური და გამანადგურებელი“, იუწყება საინფორმაციო სააგენტო РИА Новости სააგენტო „როიტერზე“ დაყრდნობით.
„ნებისმიერი შეტევა აშშ-ზე ან ჩვენ მოკავშირეებზე, და ბირთვული იარაღის ნებისმიერი გამოყენება უპასუხო არ დარჩება“, — განაცხადა მეტისმა სამხრეთ კორეაში ვიზიტის დროს.
მეტისმა სამხრეთ კორეას დაუდასტურა, რომ აშშ-ის პრეზიდენტ დონალდ ტრამპის დამოკიდებულება ჩრდილოეთ კორეის ბირთვული საფრთხისადმი უსაფრთხოების სფეროში მთავარი პრობლემისადმი დამოკიდებულების ტოლფასი იქნება.
მიმდინარე წლის იანვარში ჩრდილოეთ კორეამ ბირთვული იარაღის მეოთხე გამოცდა ჩაატარა, ხოლო თებერვალში რაკეტა გაუშვა, რომელსაც, ზოგიერთი მონაცემით, მიზნის განადგურება 12 ათასი კილომეტრის დაშორებით შეუძლია. გაეროს უშიშროების საბჭომ და რიგმა ორგანიზაციებმა სხვადასხვა სანქციები მიიღეს, მაგრამ ჩრდილოეთ კორეა ბირთვულ პროგრამაზე უარს არ აცხადებს.
