თბილისი, 23 ნოემბერი – Sputnik. აშშ-ის არჩეული პრეზიდენტი დონალდ ტრამპი რუსეთთან ურთიერთობების „გადატვირთვის“ იდეას მხარს არ უჭერს, არ სურს რუს ლიდერ ვლადიმირ პუტინთან ურთიერთობის დალაგება, იუწყება საინფორმაციო სააგენტო „რია ნოვოსტი“ გაზეთ The New York Times-ზე დაყრდნობით.
„რეპუბლიკელმა“ ტრამპმა ჟურნალისტებთან განაცხადა, რომ არჩევნებში გამარჯვების შემდეგ პუტინთან სატელეფონო საუბარი ჰქონდა, თუმცა საუბრის დეტალები არ გაუსაჯაროვებია.
„მან (ტრამპმა) თქვა, რომ კარგი იქნებოდა, თუ ის და პუტინი ურთიერთობებს დაალაგებდნენ. თუმცა მან უარყო რაიმე ფორმით ურთიერთობის დათბობის იდეა, რომელსაც „გადატვირთვას“ ვუწოდებთ“, — წერს გაზეთი.
„მე არ გამოვიყენებდი ამ ტერმინს ყოველივე იმის შემდეგ, რაც მოხდა“, — მოჰყავს The New York Times-ს პრეზიდენტ ტრამპის სიტყვები.
ვრცელდება ინფორმაცია, რომ ტრამპი მხოლოდ საგარეო პოლიტიკის საკითხებს შეეხო. კერძოდ, პოლიტიკოსმა განცხადება გააკეთა აუცილებლად შეწყვეტაზე „იმ სიგიჟის, რაც სირიაში ხდება“.
პუტინისა და ტრამპის სატელეფონო საუბარი 14 ნოემბერს შედგა.
რუსულ-ამერიკულ ურთიერთობებში ტერმინი „გადატვირთვა“ ბარაკ ობამას პრეზიდენტობის პირველი ვადის დროს გაჩნდა. მაშინ სახელმწიფოს მეთაური და სახელმწიფო მდივანი ჰილარი კლინტონი მოსკოვთან ურთიერთობების გაუმჯობესებაზე საუბრობდნენ.
