საოჯახო ფოტოალბომში ყველას მოგვეპოვება მსგავსი ფოტოები — შავ-თეთრი ან ფერადი. ამ ფოტოებზე ის დროა აღბეჭდილი, როდესაც ყველაფერს კი არ უღებდნენ ფოტოებს, არამედ ცდილობდნენ ცხოვრების ყველაზე მნიშვნელოვანი და ლამაზი მომენტები აღებეჭდათ — ქორწინება და შვილების დაბადების დღეები, მეგობრებთან შეხვედრები და მათთან ერთად გატარებული დრო.
ეს ადამიანი ვერც კი წარმოიდგენდა, რომ მის ცხოვრებაში დადგებოდა მომენტი, როდესაც ერთ დროს ბედნიერი წლები მისთვის ჩვეულებრივი გახდებოდა. პირველმა მეუღლემ, ვისთანაც ინახებოდა მათი 15-წლიანი თანაცხოვრების პერიოდის ფოტოები, პირადი ჩანაწერები, საქორწინო ალბომი თუ მისალოცი ბარათები, მთლიანობაში ბედნიერი ოჯახის ყოველდღიურობა და დღესასწაულები, ჩემოდანში ჩაალაგა და მოისროლა.
ქალი, რომელმაც ფოტოები იპოვა, ყვება, რომ ფოტოებით სავსე ჩემოდანს იმ საკომისიო მაღაზიაში გადააწყდა, რომელიც ახლა დაკეტილია. ის, როგორც კოლექციონერი, ამით დაინტერესდა, თუმცა დღეს ამ ფოტოებმა სულ სხვა ღირებულება შეიძინა.
თქვენ მიხვდით, ვინ არის ეს მოსიყვარულე და ყურადღებიანი მეოჯახე ფოტოებიდან რომ გვიღიმის?
საერთოდ, ერთი შეხედვით არაეთიკურია არქივიდან პირადი ფოტოების გამოფენა, თუმცა, ამ ადამიანის სკანდალური პოპულარობიდან გამომდინარე, ჩვენ გვსურს მკითხველს გავანდოთ და ვაჩვენოთ თუ როგორი იყო მისი ყოველდღიურობა.
ყველას ჰყავს კეთილისმსურველები და არაკეთილმოსურნეები და ბევრის განსჯაც შეიძლება მათი ცხოვრების წესის, ჩვევების, გამოთქმებისა თუ ათასი რამის გამო. „მონსტრი“, რომელსაც ჩვენ ცისფერი ყუთების ეკრანებზე ვხედავთ, ოდესღაც ჩვეულებრივი ადამიანი იყო. შეიძლება, დრომ შეცვალა იგი, ან საერთოდაც ყოველთვის ასეთი იყო და მასში არც არაფერი შეცვლილა.
სიმართლე ისაა, რომ ჩვენ ცუდებად არ ვიბადებით და ყველას რაღაც კარგი გვინდა. უბრალოდ, საკითხავია როგორ და რა ფორმით ვაღწევთ მიზანს.
ახლა თქვენ ის ნამდვილად იცანით. საეჭვოა, რომ ვინმემ იფიქროს, ამ რეალობაში ეს ადამიანი აბსოლუტურად სხვა რეპუტაციით ყოფილიყო ცნობილი.
დღეს ეს ადამიანი ამერიკის ყველაზე ასაკოვანი (70 წელი) პრეზიდენტია. ფოტოები კი ერთ დროს მის პირველ მეუღლეს ივანა ზელნიჩკოვას ეკუთვნოდა, რომელთანაც დონალდ ტრამპს 15-წლიანი ქორწინებიდან სამი შვილი: დონალდი, ივანკა და ერიკი ჰყავს.
ცხოვრებაში ყველაფერი ხდება. ბევრის მსგავსად, ეს წყვილიც დაშორდა… მთავარი ერთი რამაა. ცხოვრება ადამიანს ერთხელ ეძლევა და ისე უნდა გალიოს, რომ უმიზნოდ გასულ წლებზე მტკივნეულად არ იფიქროს…