ალმათში თავდასხმისას სამი პოლიციელი და ერთი სამოქალაქო პირი დაიღუპა

გამოწერა
თავდასხმის შემდეგ სასწრაფო დახმარების ბრიგადებმა ხუთი ადამიანი საავადმყოფოში გადაიყვანეს.

თბილისი, 18 ივლისი — Sputnik. ალმათში თავდასხმის შედეგად სამი პოლიციელი და ერთი სამოქალაქო პირი დაიღუპა, იუწყება ორშაბათს საინფორმაციო სააგენტო „ნოვოსტი-ყაზახეთი“ ყაზახეთის შსს-ს პრეს-სამსახურზე დაყრდნობით.

უწყების ინფორმაციით, 18 ივლისს, დაახლოებით დილის 11 საათზე შინაგან საქმეთა ალმათის დეპარტამენტის ალმალინის რაიონულ სამმართველოში შეჭრის მცდელობისას გუშაგი პოლიციელი ცეცხლსასროლი იარაღით დაჭრეს, რის შემდეგაც დამნაშავემ პოლიციის თანამშრომლის ავტომატური იარაღი გაიტაცა და მიიმალა.

ალმათი - Sputnik საქართველო
ალმათის ტერიტორიაზე ანტიტერორისტული ოპერაცია ტარდება

„დამნაშავის დევნისას მან პოლიციის ეკიპაჟის მიმართ გატაცებული იარაღი გამოიყენა, რის შედეგად საპატრულო ეკიპაჟის ორი თანამშრომელი ცეცხლსასროლი იარაღით დაიჭრა“, — ნათქვამია განცხადებაში.

შსს-ს მონაცემებით, ეჭვმიტანილის ვინაობა დადგინდა, შეიარაღებული დაპირისპირებისას ის პოლიციის თანამშრომლებმა დაჭრეს და დააკავეს.

დაკავებისას დაიჭრა პოლიციის ორი თანამშრომელი.

„სამწუხაროდ, დამნაშავემ მანამდე ქალაქის მცხოვრების მსუბუქი ავტომობილის გატაცება სცადა, რომლის დროსაც მძღოლი დაიჭრა და დაიღუპა. მიღებული ჭრილობების შედეგად გარდაიცვალა პოლიციის სამი თანამშრომელი“, — აღნიშნულია პრეს-რელიზში.

ყველა ახალი ამბავი
0