თბილისი, 20 ივნისი — Sputnik. თურქეთში მატარებელი მიკროავტობუსს დაეჯახა, რის შედეგად სულ ცოტა შვიდი ადამიანი დაიღუპა, იუწყება საინფორმაციო სააგენტო „რია ნოვოსტი“ გაზეთ Cumhuriyet-ზე დაყრდნობით.
ინციდენტი ელიაზიგის პროვინციაში ადგილობრივი დროით 09:15 საათზე მოხდა. მატარებელი რელსებზე გაჩხერილ მიკროავტობუსს დაეჯახა.
ავარიის შედეგად შვიდი ადამიანი ადგილზე დაიღუპა, ერთი მძიმე მდგომარეობაშია.
თურქეთის რკინიგზის მმართველმა კომპანია TCDD-მ განაცხადა, რომ დაღუპულთა შორის სირიელები იყვნენ.
