თბილისი, 21 თებერვალი — Sputnik. ჰილარი კლინტონი „დემოკრატებიდან“ და დონალდ ტრამპი „რესპუბლიკელებიდან“ პირველადი პარტიული არჩევნების გამარჯვებულები არიან.
ტრამპმა სამხრეთ კაროლინაში ხმათა 33% მოაგროვა და ხუთი კონკურენტი დაამარცხა. მეორე ადგილზე გასული კანდიდატი საბოლოოდ აქამდე არ გამოვლენილა. ტრამპს სამხრეთ კაროლინის თითქმის ყველა დელეგატმა მისცა ხმა — ორმოცდაათიდან 44–მა. მილიარდერს ახლა დელეგატთა 61 ხმა აქვს, სულ კი 1237 ხმა სჭირდება პრეზიდენტობის ნომინაციისთვის.
„რესპუბლიკელებს“ ახლა პრეზიდენტობის სამი რეალური კანდიდატი ჰყავთ: დონალდ ტრამპი, მარკო რუბიო და ტედ კრუზი.
„დემოკრატებში“ ჰილარი კლინტონი კვლავ ფორმალურ ლიდერად რჩება. ცხარე ბრძოლის მიუხედავად, ბერნი სანდერსმა ვერ მოახერხა წარმატების შენარჩუნება. უახლოესი პრაიმერიზი 23 თებერვალს გაიმართება. „დემოკრატები“ სამხრეთ კაროლინაში გაეჯიბრებიან ერთმანეთს, ხოლო „რესპუბლიკელები“ — ნევადაში.
