თბილისი, 21 ივლისი — Sputnik. ბრაზილიის ქალაქ მანაუსს ძალადობის ტალღამ გადაუარა, ბოლო სამი დღის მანძილზე იქ 35 ადამიანი მოკლეს, იუწყება რუსული საინფორმაციო სააგენტო ”რია ნოვოსტი” ადგილობრივი პოლიციის ინფორმაციაზე დაყრდნობით.
ხელისუფლების მონაცემებით, საქმე შეიძლება ქალაქის ნარკოტრაფიკთან დაკავშირებული ბანდების წარმომადგენლებს შორის ანგარიშსწორებას ეხებოდეს. მკვლელობების უდიდესი ნაწილი მანაუსის შორეულ გარეუბნებში მოხდა, სადაც ნარკომაფიას ძლიერი პოზიციები უკავია.
ამჟამად ქალაქის ქუჩებში გასამხედროებული პოლიციის დამატებითი ძალებია გამოყვანილი, რათა ბრაზილიის ქალაქ მანაუსში მომხდარი მასობრივი მკვლელობების ვითარების დადგენა უმოკლეს ვადებში მოხდეს, აღნიშნავს პორტალი ”გლობო”.