თბილისი, 28 ივლისი — Sputnik. ძლიერმა ქარმა და სეტყვამ ბოლნისის მუნიციპალიტეტის ათი სოფელი დააზარალა, ნათქვამია ბოლნისის მუნიციპალიტეტის მერიის განცხადებაში.
ძლიერმა ქარმა დააზარალა ადგილობრივების საკარმიდამო ნათესები, წაქცეულია რამდენიმე ხეც.
დაზარალებულ სოფლებში არსებულ ვითარებას ადგილზე გაეცნო ბოლნისის მერის მოადგილე ბუბა გობეჯიშვილი. პირველადმა ვიზუალურმა დათვალიერებამ აჩვენა, რომ რამდენიმე საცხოვრებელი სახლი სერიოზულად დაზიანდა, ნათქვამია განცხადებაში.
ამ ეტაპზე დაზარალებულ სოფლებში სპეციალური კომისია მუშაობს, რომელმაც ზარალის ოდენობა უნდა დაადგინოს.
დაზარალებულ მოსახლეობას ზიანი მუნიციპალიტეტის მიერ დადგენილი წესის შესაბამისად აუნაზღაურდება, განაცხადეს მერიაში.
