თბილისი, 4 თებერვალი — Sputnik. საქართველოს ტერიტორიაზე უახლოეს დღეებში მზიანი და უნალექო ამინდია ნავარაუდევი, თუმცა, დროგამოშვებით მოსალოდნელია ქარის გაძლიერება, ნათქვამია გარემოს დაცვის ეროვნული სააგენტოს განცხადებაში.
დასავლეთ საქართველოს დაბლობში ჰაერის ტემპერატურა 16-21 გრადუსამდე მოიმატებს, აღმოსავლეთ საქართველოში კი 7-12 გრადუსი სითბოა ნავარაუდევი.
დასავლეთ საქართველოში ქარის სიჩქარე წამში 20-25 მეტრი იქნება, აღმოსავლეთ საქართველოში კი წამში 17-22 მეტრს მიაღწევს. ასეთი ამინდი ოთხშაბათამდე შენარჩუნდება.
ქვეყნის მთელ ტერიტორიაზე ამინდი ხუთშაბათს გაუარესდება. ზოგიერთ რაიონში მოსალოდნელია წვიმა. დასავლეთ საქართველოს დაბლობში ჰაერის ტემპერატურა პლუს 15-20 გრადუსს, აღმოსავლეთ საქართველოში კი 8-13 გრადუსს მიაღწევს.
ქვეყნის ტერიტორიაზე ქარის სიჩქარე წამში 10-15 მეტრი იქნება.