თბილისი, 30 ივნისი – Sputnik. ივლისის პირველი სამუშაო დღე საკმაოდ ცხელი იქნება – სინოპტიკოსების პროგნოზით, თბილისში ორშაბათს, 2 ივლისს მზიანი, უნალექო ამინდია მოსალოდნელი.
ღამით ჰაერის ტემპერატურა +24 გრადუსი იქნება, ხოლო დღისით 39 გრადუსი სიცხეა მოსალოდნელი.
სიცხე პიკს 16:00 საათზე მიაღწევს. ექიმები გვირჩევენ, ამ დროს ქუჩაში დიდხანს არ დავყოვნდეთ. საღამოს, 22:00 საათისთვის ტემპერატურა 29 გრადუსამდე ჩამოვა.
ქარი 5–10 მეტრი წამში სიჩქარით დაუბერავს.
მზე 05:30 საათზე ამოვა და 20:39 საათზე ჩავა.