თბილისი, 23 ნოემბერი – Sputnik. საქართველოს დედაქალაქში ამ სეზონზე პირველი თოვლი გიორგობის დღესასწაულზე მოვიდა.
თბილისში ხუთშაბათს ჰაერის ტემპერატურა +2–7 გრადუსს შეადგენდა. დილიდან ღრუბლიანი ამინდია, დროგამოშვებით წვიმდა; დღის მეორე ნახევარში კი წვიმა მცირე თოვლმა შეცვალა, რამაც განსაკუთრებით ბავშვები გაახარა.
სინოპტიკოსების პროგნოზით, ღამით ქარი წამში17–22 მეტრამდე გაძლიერდება. ღამით ტემპერატურა –1 გრადუსამდე დაეცემა, ხოლო ხვალ დღისით მაქსიმუმ +3 გრადუსამდე აიწევს.
ამინდი თბილისსა და მთელ საქართველოში სამშაბათიდან გაუარესდა. მაღალ მთაში ტემპერატურა ნულს ქვევით ჩამოვიდა. დიდთოვლობის გამო რიგ გზებზე სპეციალური რეჟიმები დაწესდა.
თოვს ასევე ზუგდიდში, გორში, სვანეთში, ბაკურიანში.
