საქართველოში აცივდება - მოსალოდნელია თოვლი

© Sputnik / Alexander Imedashviliმოღრუბლული ცა თბილისის თავზე
მოღრუბლული ცა თბილისის თავზე - Sputnik საქართველო
გამოწერა
ოთხშაბათიდან საქართველოს მთელ ტერიტორიაზე მოსალოდნელია წვიმა, მთაში - თოვლი

თბილისი, 19 ნოემბერი — Sputnik. საქართველოში მომავალი კვირიდან ამინდი გაუარესდება — 22 ნოემბრიდან ჰაერის ტემერატურა დაიკლებს, იუწყება ტელეკომპანია „იმედი“ (Imedi) გარემოს ეროვნულ სააგენტოზე დაყრდნობით.

სინოპტიკოსების პროგნოზებით, მთელი ქვეყნის მასშტაბით მოსალოდნელია წვიმა, ზოგან ძლიერი, მაღალმთიანეთში — თოვლი.

„22 ნოემბრიდან შავი ზღვის ჩრდილო-დასავლეთიდან შემოსული ცივი და ნოტიო ჰაერის მასები განაპირობებს ჰაერის ტემპერატურის +10-15 გრადუსამდე დაცემას. საქართველოს უმეტეს რაიონში მოსალოდნელია წვიმა, ზოგან ძლიერი, ხოლო მაღალ მთაში — თოვლი. აგრეთვე გაძლიერდება დასავლეთის მიმართულების ქარი“, — ნათქვამია განცხადებაში.

გარემოს სააგენტოს მონაცემებით, 21 ნოემბერს უნაქლექო ამინდია მოსალოდნელი, თუმცა დღის ბოლოდან, შავი ზღვის ჩრდილო-დასავლეთიდან ცივი და ნოტიო ჰაერის მასები დაიწყებს შემოსვლას, რომელიც მომდევნო დღეებში ამინდის გაუარესებას გამოიწვევს.


ყველა ახალი ამბავი
0