ინტერნეტსივრცეში სულ უფრო და უფრო პოპულარული ხდება ვიდეო, რომელზე ჰავაიზე გაღვიძებული ვულკანიდან ამოტყორცნილი ლავის მოძრაობაა დაფიქსირებული.
ვიდეორგოლმა, რომელიც WXChasing-ს ფეისბუქგვერდზე აიტვირთა, ორ დღეში 14 მლნ ნახვა და 330 ათასზე მეტი გაზიარება დააგროვა.
ჰავაის კუნძულებზე კვლავაც გრძელდება ვულკან კილაუეას ამოფრქვევა. ბოლო რამდენიმე დღეში კუნძულზე რამდენიმე ასეული მიწისქვეშა ბიძგები დაფიქსირდა, რომელთა სიმძლავრე 2-დან თითქმის 7 მაგნიტუდამდე იყო. სახიფათო ადგილებიდან 1,7 ათასი ადამიანია ევაკუირებული.
