ამერიკული ჯგუფის Linkin Park-ის სოლისტი, 41 წლის ჩესტერ ბენინგტონი 21 ივლისს საკუთარ სახლში იპოვეს გარდაცვლილი.
ექსპერტიზამ დაადასტურა, რომ მომღერალმა თავი მოიკლა.
გავრცელებული ინფორმაციით, ბენინგტონმა მეგობრის, ჯგუფ Soundgarden-ის ლიდერ კრის კორნელის დაბადების დღეზე მოიკლა თავი, რომელიც დეტროიტის ერთ-ერთ სასტუმროში გარდაიცვალა 18 მაისს.
მედიის ინფორმაციით, მომღერალს მანამდე უთქვამს, რომ ბავშვობაში მამაკაცის მხრიდან სექსუალური ძალადობის მსხვერპლი გამხდარა და ამის გამო ხშირად ფიქრობდა თავის მოკვლაზე.
სამწუხაროდ, ჩანაფიქრი შეასრულა.
Linkin Park-მა კი მეგობრისა და ჯგუფის სოლისტის ხსოვნას გარდაცვალებიდან ორი თვის თავზე კლიპი მიუძღვნა, რომელსაც აქვე გთავაზობთ.
