რუსთაველის გამზირზე მთელი ღამის განმავლობაში გრძელდებოდა ორი საპროტესტო აქცია. იქვე მორიგეობდა პოლიციაც. იხილეთ „Sputnik–საქართველოს“ ვიდეო, რა ვითარება იყო პარლამენტთან დილით.
ორშაბათის საღამო თბილისის ცენტრში მეტად ბობოქარი გამოდგა. იქ ერთდროულად რამდენიმე აქცია მიმდინარეობდა – სხვადასხვა მოთხოვნებით.
პარლამენტის წინ შეიკრიბნენ: ტრადიციული ფასეულობების დამცველები, რომლებიც ლგბტ–საზოგადოების მიერ დაგეგმილ „ღირსების მარშს“ აპროტესტებდნენ, ისინი, ვინც 20-21 ივნისის შემდეგ შინაგან საქმეთა მინისტრ გიორგი გახარიას გადადგომას მოითხოვენ, ასევე ლგბტ–საზოგადოების წარმომადგენლები.
