ბათუმში რიგით 43-ე საერთაშორისო საჭადრაკო ოლიმპიადის გახსნის სანახაობრივმა ცერემონიამ მაყურებლების მოწონება დაიმსახურა. იხილეთ „Sputnik-საქართველოს“ ვიდეო, თუ როგორ ჩატარდა გახსნის ცერემონია.
ბათუმში მსოფლიოს საჭადრაკო ფედერაციის (FIDE) რიგით 43-ე მსოფლიოს საჭადრაკო ოლიმპიადა დაიწყო. ოლიმპიადის საქართველოში გამართვის გადაწყვეტილება ფედერაციის 85-ე კონგრესზე მიიღეს, რომელიც რიგით 41-ე საჭადრაკო ოლიმპიადის დროს გაიმართა. მაშინ FIDE-მ 2017 წლის მსოფლიოს თასისა და 2018 წლის ოლიმპიადის ჩატარების განცხადება საქართველოს ჭადრაკის ეროვნული ფედერაციისა და სამხრეთ აფრიკის რესპუბლიკისგან მიიღო. კენჭისყრა საქართველოს სასარგებლოდ გადაწყდა – 93 ხმით 59-ის წინააღმდეგ.
