თბილისში გაიხსნა მეტროს ახალი, რიგით 23-ე სადგური "სახელმწიფო უნივერსიტეტი". იხილეთ „Sputnik-საქართველოს“ ვიდეო, თუ როგორ გამოიყურება სადგური.
თბილისში მეტროს ახალი სადგური ყოველდღიურად დაახლოებით 15 ათას მგზავრს მოემსახურება. სადგურის მშენებლობა ჯერ კიდევ 1985 წელს დაიწყო, თუმცა რვა წლის შემდეგ შეწყდა. სამშენებლო სამუშაოები 2015 წლის ივლისში განახლდა, როდესაც პროექტში აზიის განვითარების ბანკი ჩაერთო. ბანკის ინვესტიციამ დაახლოებით 83 მილიონი ლარი შეადგინა.