ლონდონის პოლიცია რასელ-სკვერზე საგამოძიებო მოქმედებებს ახორციელებს, სადაც მამაკაცი დანით ხელში მოქალაქეებს დაესხა თავს. ინციდენტის შედეგად ერთი ადამიანი დაიღუპა, არანაკლებ ხუთი კი დაშავდა. იხილეთ ვიდეოკადრები.
შემთხვევის ადგილზე, რომელიც ოთხშაბათს, 22:30 საათზე მოხდა, დაახლოებით ექვსი ადამიანი იპოვეს, იუწყება ადგილობრივი პოლიცია.
დასტურდება, რომ ერთ-ერთი დაზარალებული ადგილზე გარდაიცვალა.
თავდამსხმელი დაკავებულია. ის 19 წლისაა და ამჟამად საგამოძიებო იზოლატორის საავადმყოფოშია მოთავსებული. სავარაუდო ინფორმაციით, ის ფსიქიურად გაუწონასწორებელია.
„სავარაუდო მონაცემებით, მომხდარი ინციდენტის ერთ-ერთი ფაქტორი სულიერი აშლილობა გახდა, რაც გამოძიების ძირითადი ხაზია“, — აღნიშნა პოლიციის წარმომადგენელმა.
პოლიცია, პირველ ყოვლისა, ტერორიზმის ვერსია განიხილავს.
ლონდონის მერმა სადიკ ჰანმა მოსახლეობას სიმშვიდის შენარჩუნებისა და სიფრთხილისკენ მოუწოდა.