მასაჩუსეტსის ტექნოლოგიური ინსტიტუტის (Massachusetts Institute of Technology — MIT) მეცნიერებმა საკუთარ რობოტს Cheetah საკმარისად მაღალი სისწრაფის დროს 45 სმ–მდე სიმაღლის დაბრკოლებებზე გადახტომა ასწავლეს.
რობოტი აღჭურვეს სისტემით, რომელიც ობიექტამდე მანძილსა და მის სიმაღლეს ზომავს. საჭირო ინფორმაციის მიღების შემდეგ, ისე დგამს ნაბიჯს, რომ ახტომისსათვის საუკეთესო პოზიციაზე აღმოჩნდეს. შემდეგ რობოტი განსაზღვრავს ბიძგის ძალას, რომელიც მანქანის ფეხებმა უნდა მოახდინონ.
სავარაუდოდ, რობოტი Cheetah, რომელზეც მეცნიერები უკვე 4 წელია მუშაობენ, სტიქიური უბედურების დროს რთულად მისადგომ რაიონებში სამაშველო ოპერაციებში გამოიყენება.
