შაბათს, 11 სექტემბერს აშშ–ის მეგობართა კლუბმა 2001 წლის 11 სექტემბრის ტერაქტების მსხვერპლთა პატივსაცემად – თბილისის ცენტრში, მტკვრის სანაპროზე, ახალ, მშვიდობის ხიდზე აქცია გამართა. მიუხედავად ცივი და წვიმიანი ამინდისა, აქციაზე ათობთ ადამიანი შეიკრიბა, მათ შორის უცხოელი დიპლომატები, ქართველი პოლიტიკოსები, საზოგადოების წარმომადგენლები. ააშ–ის მეგობართა კლუბის სახელით, მისმა პრეზიდენტმა ილია ზუკაკიშვილმა აქციის მსვლელობისას ქართველ და ამერიკელ ხალხებს შორის მეგობრობის განვითარებასა და გამტკიცებისთვის სამახსოვრო დიპლომები გადასცა ქართული საინფორმაციო სააგენტო Pirveli–ს მთავარ რედაქტორს ანი მიროტაძეს და ქართულ ინგლისურენოვანი გაზეთის Georgian Messenger–ის მთავარ რედაქტორს ზაზა გაჩეჩილაძეს.
ოპერატორი – ალექსანდრე იმედაშვილი, NEWSGEORGIA / ახალი ამბები – საქართველო
