რამდენ მგზავრს მოემსახურნენ საქართველოს აეროპორტები

© photo: Sputnik / Stringerთბილისის აეროპორტი
თბილისის აეროპორტი - Sputnik საქართველო
გამოწერა
ყველაზე პოპულარული საქართველოში მგზავრების მიღების თვალსაზრისით თბილისის საერთაშორისო აეროპორტია.

თბილისი, 10 ივლისი — Sputnik. საქართველოს საერთაშორისო აეროპორტებით 2019 წლის პირველ ნახევარში დაახლოებით 2,5 მილიონმა ადამიანმა ისარგებლა, რაც 18,2%-ით მეტია გასული წლის ანალოგიური პერიოდის მონაცემებზე, ნათქვამია საქართველოს აეროპორტების გაერთიანების განცხადებაში.

მგზავრთნაკადის ზრდა სამივე საერთაშორისო აეროპორტში დაფიქსირდა.

დამსვენებლები სარფში - Sputnik საქართველო
ტურიზმის ადმინისტრაცია: საქართველოს, შესაძლოა, 1 მილიონი რუსი ტურისტი მოაკლდეს

ყველაზე პოპულარულია თბილისის საერთაშორისო აეროპორტი – წლის პირველ ნახევარში ის დაახლოებით 1,9 მილიონ მგზავრს მოემსახურა.

პოპულარობით მეორე ადგილზეა ქუთაისის საერთაშორისო აეროპორტი, შემდეგ – ბათუმის აეროპორტი.

რაც შეეხება მესტიისა და ამბროლაურის აეროპორტებს, რომლებიც შიდა რეისებს ახორციელებენ, წლის დასაწყისიდან მათ დაახლოებით 4,076 ათასი მგზავრი მიიღეს.

სულ 2019 წლის პირველ ნახევარში საქართველოს აეროპორტებში განხორციელდა 12 096 სამგზავრო და სატვირთო რეისი, რაც 13,3%-ით მეტია, ვიდრე გასული წლის ანალოგიური პერიოდის მაჩვენებელი.

რა იქნება მომავალში

რუსეთმა მიმდინარე წლის 8 ივლისიდან ავიამიმოსვლა საქართველოსა და რუსეთს შორის აკრძალა. ეს იყო პასუხი იმ აჟიოტაჟზე, რომელიც საქართველოში რუსეთის სათათბიროს დეპუტატის სერგეი გავრილოვის ჩამოსვლას მოჰყვა. მას შემდეგ, 20 ივნისიდან თბილისში ყოველდღე იმართება საპროტესტო აქციები. მომიტინგეების მოთხოვნების უმეტესობა შესრულდა. დარჩა მხოლოდ ერთი – შინაგან საქმეთა მინისტრის გიორგი გახარიას გადადგომა.

ნათია თურნავა - Sputnik საქართველო
მთავრობამ ტურისტული დარგის გადარჩენის გეგმა შეიმუშავა

ექსპერტების ნაწილმა უკვე განაცხადა, რომ რუსეთის გადაწყვეტილების გამო საქართველოში შემცირდება ტურისტების რაოდენობა და იკლებს შემოსავლები.

უფრო ადრე ტურიზმის ეროვნული ადმინისტრაციის უფროსმა მარიამ ქვრივიშვილმა განაცხადა, რომ წლის ბოლომდე საქართველოს მოაკლდება დაახლოებით 1 მილიონი რუსი ტურისტი და დაახლოებით 2 მილიარდი ლარი შემოსავალი.

უწყების მონაცემებით, ივნისში ყველაზე მეტი ვიზიტორი საქართველოში რუსეთიდან ჩამოვიდა. კერძოდ, ერთ თვეში 152,2 ათასი ვიზიტი განხორციელდა, რაც გასული წლის ანალოგიურ პერიოდთან შედარებით 30,8%-ით მეტია.

© Sputnik / Konstantin Ivanovტურისტული ნაკადი რუსეთიდან საქართველოში
რამდენ მგზავრს მოემსახურნენ საქართველოს აეროპორტები - Sputnik საქართველო
ტურისტული ნაკადი რუსეთიდან საქართველოში
ყველა ახალი ამბავი
0