Kobuleti Fest 2019-ზე გელოდებათ ზღვა, მცხუნვარე მზე და ცეცხლოვანი შოუ

გამოწერა
ფესტივალის სტუმრებს სხვადასხვა გასართობი პროგრამები ელოდებათ.

თბილისი, 9 ივლისი — Sputnik. ქობულეთი ერთდღიან ფესტივალ Kobuleti Fest 2019-ს შაბათს, 13 ივლისს უმასპინძლებს, აცნობეს „Sputnik–საქართველოს" აჭარის ტურიზმისა და კურორტების დეპარტამენტში.

ფესტივალი ქობულეთის ცენტრალურ პარკში გაიმართება, რომელსაც სპეციალურად ღონისძიებისთვის ფერადი ლენტებითა და დეკორაციებით მორთავენ. 

ლაგოდეხი - Sputnik საქართველო
მსოფლიო ბლუზის ვარსკვლავები ლაგოდეხში საერთაშორისო ფესტივალზე შეიკრიბებიან

სცენაზე წარდგებიან ადგილობრივი და მოწვეული დიჯეები – Beka, Chiki, Toke, ასევე მუსიკალური ბენდები Melomaniak-ი და Goofy Land-ი. კონცერტი 14:00 საათზე დაიწყება და 03:00 საათამდე გაგრძელდება.

გარდა ამისა, ფესტივალის სტუმრებს ელოდებათ ფრანების შოუ, ცეცხლოვანი შოუ, საბავშვო-გასართობი ღონისძიებები და ქართული, აღდგენილი მულტფილმები. ანიმციური ფილმების ჩვენება ქობულეთის პარკის ამფითეატრში იგეგმება.

Kobuleti Fest 2019-ზე დასწრება ნებისმიერ მსურველს შეუძლია. შესვლა უფასოა. ფესტივალის ფარგლებში პარკში იმუშავებენ ღია კაფე-ბარები, სადაც სასმელის, ნაყინის, ხილისა და კერძების შეკვეთა იქნება შესაძლებელი.

ფესტივალის აპოთეოზი გრანდიოზული ფეიერვერკი გახდება. ღონისძიების ორგანიზატორია აჭარის ტურიზმის დეპარტამენტის ტურისტული პროდუქტების განვითარების სააგენტო.

 

ყველა ახალი ამბავი
0