17:35 13 ნოემბერი 2019
პირდაპირი ეთერი
  • EUR3.2645
  • 100 RUB4.6247
  • USD2.9618
პრომეთეს მღვიმე

საქართველოს დაცულ ტერიტორიებზე ვიზიტორთა რიცხვი 14%-ით გაიზარდა

© photo: Sputnik / Alexander Imedashvili
ტურიზმი
მოკლე ბმულის მიღება
ტურიზმი საქართველოში (155)
66 0 0

ყველაზე მეტი ტურისტი ეწვია პრომეთეს მღვიმეს და თბილისის ეროვნულ პარკს

თბილისი, 16 ივნისი — Sputnik. საქართველოს დაცულ ტერიტორიებზე მაისში, ვიზიტორთა რაოდენობა 14%-ით გაიზარდა, რაც წინა წლის ანალოგიურ პერიოდთან შედარებით 225,5 ათასით მეტია, იუწყება პირველი არხი.

საქართველოს დაცული ტერიტორიების სააგენტოს ინფორმაციით, 37%-ით გაიზარდა უცხოელ ვიზიტორთა რაოდენობა. მათ შორის, 21%-ით გაიზარდა ვიზიტორთა რაოდენობა იმ ტერიტორიებზე, სადაც მაისის თვიდან ელექტრონული ბილეთების გაყიდვის სისტემა დაინერგა.

ბოლო ხუთი თვის მონაცემებით, ყველაზე მეტი ვიზიტორი დაფიქსირდა პრომეთეს მღვიმეში, თბილისის ეროვნულ პარკში, ყაზბეგის ეროვნული პარკში, მარტვილის კანიონზე, ოკაცეს კანიონზე.

2019 წელს საქართველოს დაცულ ტერიტორიაზე 46 ინფრასტრუქტურული პროექტი ხორციელდება, მათი ღირებულება 6,6 მილიონ ლარს აღემატება. მათგან უკვე დასრულდა ოკაცეს კანიონის და სათაფლიას აღკვეთილის რეაბილიტაცია.

თოკების პარკი მოეწყო მტირალასა და ალგეთის ეროვნულ პარკებში. საგამოფენო სივრცე მოეწყო ალგეთისა და ვაშლოვანის ეროვნული პარკებში.

საქართველოს რუსეთიდან ყოველი მეათე მოგზაური ეწვევა >>

უკვე მიმდინარეობს სამუშაოები მარტვილის კანიონზე, სადაც რეაბილიტაცია უტარდება არსებულ ტურისტულ ინფრასტრუქტურას. პრომეთეს მღვიმეში იცვლება განათებისა და აუდიოსისტემა. ოკაცეს ჩანჩქერზე კი ზიპ-ლაინი მონტაჟდება.

საქართველოში დღეისათვის სულ 86 დაცული ტერიტორიაა.

 

თემები:
ტურიზმი საქართველოში (155)

მთავარი თემები