აჭარის სამთო-სათხილამურო კურორტმა ტურისტებს სიურპრიზები მოუმზადა

© photo: Sputnikკუორტი გოდერძი
კუორტი გოდერძი - Sputnik საქართველო
გამოწერა
გოდერძი - ყველაზე ახალგაზრდა ზამთრის კურორტია საქართველოში, ის 2015 წლის დეკემბერში გაიხსნა

თბილისი, 22 დეკემბერი — Sputnik. სამთო-სათხილამურო კურორტ გოდერძიზე ზამთრის სეზონი ოფიციალურად 28 დეკემბერს გაიხსნება, განუცხადეს „Sputnik-საქართველოს“ აჭარის ტურიზმის დეპარტამენტში.

სეზონის გახსნის დღიდან გოდერძიზე იფუნქციონირებს ორივე საბაგირო და 8 კილომეტრის სიგრძის სამთო-სათხილამურო ტრასები.

კურორტის ცენტრალურ მოედანზე მდებარეობს ერთი რესტორანი, სწრაფი კვების ობიექტები და თხილამურების გაქირავების პუნქტი. კურორტზე ასევე მოწყობილია 200-მეტრიანი ტრასა, რომელიც ბავშვებისა და დამწყები მოთხილამურეებისათვის არის განკუთვნილი.

ამ ეტაპზე კურორტზე არსებობს თანამედროვე ტიპის ექვსი კოტეჯი და ერთი სასტუმრო. ერთი კოტეჯი 12 კაცზეა გათვლილი.

მამუკა ბახტაძე ზამთრის სეზონის გახსნაზე გუდაურში - Sputnik საქართველო
გუდაურში ზამთრის სეზონი ოფიციალურად გაიხსნა

გოდერძიზე ასევე არის 13-ნომრიანი სასტუმრო „დავითი“, რომელსაც ერთდროულად 40 ადამიანის მიღება შეუძლია. კიდევ ერთი სასტუმრო კურორტიდან ხუთ კილომეტრში, გოდერძის უღელტეხილზე მდებარეობს. ეს არის 10-ნომრიანი სასტუმრო, რომელსაც 30 სტუმრის მიღება შეუძლია. სასტუმროს ყოველდღე ემსახურება სპეციალური სამგზავრო თოვლმავალი, რომელსაც დამსვენებლები გოდერძის საბაგიროს სადგურამდე გადაჰყავს.

გოდერძი ზღვის სიმაღლიდან 2200 მეტრზე მდებარეობს და აჭარის ყველაზე მაღალ წერტილად მიიჩნევა. ჯერჯერობით გოდერძიზე გართობის ინდუსტრია ნაკლებად არის განვითარებული, სამაგიეროდ თოვლის საფარის სისქე ხშირად ორ მეტრს აჭარბებს, რაც საქართველოს სხვა ზამთრის კურორტებთან შედარებით სამჯერ მეტია.

ყველა ახალი ამბავი
0