01:06 27 ივნისი 2019
პირდაპირი ეთერი
  • EUR3.2356
  • 100 RUB4.5039
  • USD2.8470
სვანური კოშკები

საქართველოს მაღალმთიანი დასახლება მსოფლიოს საუკეთესო ტურისტულ ადგილებს შორის დასახელდა

© photo: Sputnik / Elizabeth Joudro
ტურიზმი
მოკლე ბმულის მიღება
საქართველოს რეგიონები (79)
114 0 0

სტატიის ავტორები მკითხველს სვანეთის ისტორიისა და კულტურის გაცნობას სთავაზობენ

თბილისი, 26 ნოემბერი – Sputnik. ცნობილმა ყოველკვირეულმა ჟურნალმა ELLE მესტია მსოფლიოს ერთ-ერთ საუკეთესო ტურისტულ მიმართულებებს შორის დაასახელა.

ჟურნალი აქვეყნებს სტატიას „18 საზეიმო მიმართულება, რომელიც 2019 წელს უნდა ნახოთ“. ბრიტანელმა ექსპერტებმა ტურისტებისთვის ერთ-ერთ ყველაზე მიმზიდველ ადგილად საქართველო დაასახელეს.

„მოგბეზრდათ ევროპა და აზია? ეწვიეთ საქართველოს“, - წერს ELLE.

სტატიაში ექსპერტები ურჩევენ მკითხველებს მოინახულონ სვანეთის ეთნოგრაფიული მუზეუმი, რათა ადგილობრივ ისტორიას და კულტურას ეზიარონ. ხოლო აქტიურ მოგზაურებს ურჩევენ ნახონ ჭალაადის მყინვარი და უშბის ძირას მდებარე ტბა, საიდანაც საოცარი ხედი იშლება.

ექსპერტები ასევე ყველას ურჩევენ გასინჯონ ადგილობრივი სამზარეულო - კუბდარი და თაშმიჯაბი.

ავტორების თვალსაზრისით, ამინდისა და იაფი ავიაბილეთების კუთხით სამოგზაუროდ საუკეთესო დროა მაისი, ივნისი და სექტემბერი. ექსპერტები ასევე ურჩევენ მკითხველებს კახეთის რეგიონი რთველის დროს მოინახულონ.

The Guardian სვანეთზე: ალპებზე უკეთესი >>

საქართველოს გარდა, სტატიაში მოხვდა ჩრდილოეთ იტალია და შვეიცარიული ალპები, ნეპალი და ბუტანი, მაროკო, სერბეთი, ინდოეთი, ბელარუსი, იაპონია, პანამა, ამაზონი, ახალი ზელანდია, იორდანია, ინდონეზია, უზბეკეთი, მექსიკა, რუანდა, ნიდერლანდები, კოლუმბია.

თემები:
საქართველოს რეგიონები (79)

მთავარი თემები