საქართველო მსოფლიო ტურისტული ორგანიზაციის აღმასრულებელ საბჭოში მიღებას ითხოვს

გამოწერა
საქართველო ტურიზმის სფეროში ერთ-ერთი სწრაფად მზარდი ქვეყანაა, განაცხადა ტურიზმის ეროვნული ადმინისტრაციის ხელმძღვანელმა.

თბილისი, 8 ოქტომბერი — Sputnik. საქართველო მსოფლიო ტურისტული ორგანიზაციის (UNWTO) აღმასრულებელი საბჭოს შემადგენლობაში შესვლას ითხოვს, იუწყება ტელეკომპანია Imedi.

აღნიშნული ინიციატივა საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ ბუდაპეშტში, ტურიზმისა და ციფრული ტრანსფორმაციის საერთაშორისო კონფერენციაზე გაახმოვანა. ორგანიზაციამ აღნიშნული საკითხის განხილვა უკვე დაიწყო და საკუთარ გადაწყვეტილებას უახლოეს მომავალში განაცხადებს.

საინფორმაციო ცენტრი ტურისტებისთვის - Sputnik საქართველო
ტურიზმი საქართველოში: ქვეყანაში უცხოელი ტურისტების რაოდენობა ისევ იზრდება

„ის განვითარება, რომელსაც საქართველომ მიაღწია ტურიზმის კუთხით, უკვე აღიარებულია მსოფლიოს მასშტაბით. ჩვენი ქვეყანა მოწინავე ადგილზეა რეიტინგებში როგორც ერთ-ერთი ყველაზე სწრაფად მზარდი ტურისტული სახელმწიფო", – განაცხადა გიორგი ჩოგოვაძემ.

აღნიშნულ კონფერენციას ესწრებოდა მსოფლიო ტურისტული ორგანიზაციის გენერალური მდივანი ზურაბ პოლოლიკაშვილი.

აღმასრულებელი საბჭო UNWTO-ს ხელმძღვანელი ორგანოა. საბჭოს სრულუფლებიანი წევრობის ვადა ოთხი წელია. ყოველ ორ წელიწადში საბჭოს წევრების გადარჩევა ხდება. საბჭოში მუდმივი ადგილი აქვს ესპანეთს – ქვეყანას, სადაც განთავსებულია UNWTO-ს შტაბ-ბინა.

 

ყველა ახალი ამბავი
0