ზაფხული იწყება აქ - როდის და როგორ გაიხსნება აჭარაში ტურისტული სეზონი

CC BY-SA 2.0 / Andrzej Wójtowicz / Batumiბათუმში მოიღრუბლა
ბათუმში მოიღრუბლა - Sputnik საქართველო
გამოწერა
საზაფხულო სეზონის გახსნაზე მრავალფეროვანი გასართობი ღონისძიებები გაიმართება

თბილისი, 22 მაისი — Sputnik. „ზაფხული იწყება აქ“ — ამ სლოგანით ზაფხულის ტურისტული სეზონი აჭარაში 3 ივნისს გაიხსნება, იუწყება ტელეკომპანია Imedi.

სეზონის გახსნა „ანბანის კოშკის“ მოპირდაპირედ ზღვის სანაპიროზე იგეგმება. საზეიმო ღონისძიებები შუადღეს დაიწყება და ღამის სამ საათამდე გაგრძელდება.

ზაფხულში ბათუმში ხუთვარსკვლავიანი სასტუმრო გაიხსნება >>

დღის განმავლობაში სტუმრებისთვის დაუკრავენ ქართველი და უცხოელი დიჯეები Chiki, ლაშა გურული, გაბუნია, bedford falls, Groove Phoenix, Vako T.

სამთო-სათხილამურო კურორტი სვანეთში - Sputnik საქართველო
რამდენ უცხოელს ელოდება საქართველო 2018 წელს

საღამოს პროგრამა კი გაიხსნება საკარნავალო შოუთი, სადაც საცეკვაო დასი Friedrichstadt Ballett-ი ლათინურ-ამერიკულ და ბრაზილიურ ცეკვებს წარმოადგენს.

დღის განმავლობაში ბათუმში გაიმართება ფრანების შოუ, პლაჟის ფრენბურთი, დღის ფერადი ფოიერვერკი, სხვადასხვა გასართობი თამაშები ბავშვებისთვის და ცეცხლოვანი შოუ. სტუმრებს სპორტულ-გასართობ ღონისძიებებში მონაწილეობა უფასოდ შეეძლებათ. ფესტივალი გრანდიოზული ფოიერვერკით დასრულდება.

საქართველოში ტურიზმის სფერო დინამიურად ვითარდება. ტურისტების ძირითადი ნაკადი საქართველოს შავი ზღვისპირეთზე მოდის. ტურისტების ერთ-ერთი ყველაზე პოპულარული ადგილია ბათუმი.

 

ყველა ახალი ამბავი
0