20:02 17 დეკემბერი 2018
პირდაპირი ეთერი
  • EUR3.0138
  • 100 RUB4.0173
  • USD2.6678
კალაუბანი

საქართველო მსოფლიოში ყველაზე იაფი ქვეყნების რეიტინგში მე-16 ადგილზეა

© Sputnik / Alexander Imedashvili
ტურიზმი
მოკლე ბმულის მიღება
საქართველო - ტურისტული ცენტრი (359)
13901

საქართველო ცხოვრების დაბალი ღირებულების მიხედვით მალაიზიასა და ბოლივიას შორის იმყოფება.

თბილისი, 13 მარტი — Sputnik. პორტალ GOBankingRates-ის ვერსიით, საქართველომ საცხოვრებლად ყველაზე იაფი ქვეყნების ოცეულში მე-16 ადგილი დაიკავა.

პორტალმა სხვადასხვა ქვეყნების ფასების შესახებ Numbeo.co-ს ონლაინ-ბაზის მონაცემები გამოიყენა და ნიუ-იორკის ფასებს შეადარა.

„იდეალურ სამყაროში თქვენ მოგინდებოდათ ისეთი ადგილის პოვნა, სადაც იქნებოდა მაღალი ხელფასი და ცხოვრების დაბალი ღირებულება. მიუხედავად ამისა, არის ადგილი, სადაც ცხოვრების დაბალი ღირებულება დაბალ ხელფასთან შესაბამისობაშია. თუ ეს ასეა, მნიშვნელოვანია საკუთარ თავს ვკითხოთ, ღირს კი ასეთ ქვეყანაში საცხოვრებლად გადასვლა", — აღნიშნავენ კვლევის ავტორები.

პორტალის მონაცემებით, საქართველოში ნიუ-იორკთან შედარებით ცხოვრება 70%-ით იაფია, ხოლო იჯარა 90%-ით დაბალი.

იაფი ქვეყნების ჩამონათვალში შესული არიან ინდოეთი, საუდის არაბეთი, პაკისტანი, ტუნისი, ზამბია, უკრაინა, მექსიკა, ბანგლადეში, ეგვიპტე და მაკედონია. საქართველოს მეზობელმა სომხეთმა და აზერბაიჯანმა რეიტინგში 34-ე და 35-ე ადგილი დაიკავეს. თურქეთი 26-ე ადგილზეა.

სტატისტიკის ეროვნული სამსახურის მონაცემების თანახმად, საქართველოში საშუალო ხელფასი 1000 ლარია. რაც შეეხება ნიუ-იორკში საშუალო ხელფასის ოდენობას, იგი 5 ათას აშშ დოლარს შეადგენს.

თემები:
საქართველო - ტურისტული ცენტრი (359)

მთავარი თემები