ბათუმში სისუფთავეზე კონტროლი გაძლიერდება

© FB / Batumi Boulevardბათუმის ბულვარი
ბათუმის ბულვარი - Sputnik საქართველო
გამოწერა
ბათუმის ბულვარის მონიტორინგის სამსახური სისუფთავეს 09:00-დან 24:00 საათამდე პერიოდში ყოველდღიურად გააკონტროლებს.

თბილისი, 14 ივნისი — Sputnik. ბათუმის ბულვარსა და ზღვის სანაპიროზე გარემოს დაბინძურების შესახებ ინფორმაციას რამდენიმე ენაზე განათავსებენ ბათუმის ბულვარის ადმინისტრაციის ინტერნეტ-გვერდზე. 

ბათუმის ბულვარის მონიტორინგის სამსახურის წარმომადგენლები სისუფთავეზე კონტროლის გაძლიერების მიზნით ზაფხულის ტურისტულ სეზონზე ყოველდღიურად იმუშავებენ, ამასთან არა 22:00 საათამდე, როგორც ადრე, არამედ შუაღამემდე, განუცხადეს „Sputnik–საქართველოს“ ბულვარის ადმინისტრაციაში.

ცხრა კაცისგან შემდგარი მონიტორინგის სამსახური ასევე გააკონტროლებს იღარით გაცემულ ტერიტორიებს და დარღვევის გამოვლენის შემთხვევაში იურიდიულ პირებს დააჯარიმებს. 

ბათუმის ბულვარ - Sputnik საქართველო
ბათუმის ბულვარი ნახევარმა მილიონმა ყვავილმა დაამშვენა

გარემოს 2 კგ-მდე ნარჩენით დანაგვიანება 80 ლარით ჯარიმდება, 2 კგ-ზე მეტი ნარჩენით დანაგვიანებისთვის კი ფიზიკური პირი 150 ლარით, იურიდიული პირი კი 500 ლარით დაჯარიმდება.

თუ  ნარჩენების მოცულობა ერთ კუბომეტრს გადააჭარბებს, ფიზიკური პირი 300 ლარით, იურიდიული პირი კი 1 ათასი ლარით დაჯარიმდება.

სამშენებლო მასალებითა და სხვა ინერტული ნარჩენებით გარემოს დაბინძურებისთვის ფიზიკურ პირს 200 ლარის გადახდა, იურიდიულ პირს კი 1 ათასი ლარის გადახდა დაეკისრება.

გარდა ამისა, გარემოს ფეკალური მასით დაბინძურებისთვის დაჯარიმდებიან ძაღლებისა და სხვა შინაური ცხოველების პატრონები. ამ შემთხვევაში ჯარიმა 50 ლარით განისაზღვრება.

 „ზაფხული იწყება აქ “ — ამ სლოგანით 9 ივნისს ბათუმში ზაფხულის სეზონი გაიხსნა. 

© Sputnik / Maria Tsimintiaჯარიმები ნაგვის გადაყრისთვის
ჯარიმები ნაგვის გადაყრისთვის  - Sputnik საქართველო
ჯარიმები ნაგვის გადაყრისთვის

 

ყველა ახალი ამბავი
0