სომხეთის მოქალაქეებს შორის საქართველოს პოპულარობა ყოველწლიურად იზრდება

© photo: Sputnik / Alexander Imedashviliტურისტები
ტურისტები - Sputnik საქართველო
გამოწერა
2006 წელთან შედარებით სომხეთიდან ვიზიტორთა რიცხვი 729%-ით გაიზარდა.

თბილისი, 11 იანვარი — Sputnik. 2016 წელს საქართველოს 1 მილიონ 496 ათას 246 სომეხი ვიზიტორი ესტუმრა, რაც გასულ წელს საქართველოში ვიზიტორთა საერთო რაოდენობის 23,6%-ს შეადგენს. 

2016 წელს საქართველოში სულ 6 350 825 ვიზიტორი ჩამოვიდა, რაც 7,6%-ით მეტია 2015 წლის მონაცემებთან შედარებით,  აღნიშნული მონაცემები საქართველოს ტურიზმის ეროვნულმა ადმინისტრაციამ გამოაქვეყნა.

საქართველოსადმი სომხების ინტერესი ყოველწლიურად იზრდება, რაც საქართველოში ტურისტული ინფრასტრუქტურისა და მომსახურების ხარისხის გაუმჯობესებით აიხსნება. 

თბილისი - Sputnik საქართველო
საქართველოს დიდი პოტენციალი აქვს, რომ საქმიანი ტურიზმის ცენტრი გახდეს

2006 წელთან შედარებით, სომხეთიდან ვიზიტორების რიცხვი 729%-ით გაიზარდა, ხოლო 2011 წელთან შედარებით — 114%-ით. 2006 წელს საქართველო სომხეთის 180 ათას 550-მა მოქალაქემ მოინახულა, 2011 წელს კი 699 ათას 383-მა ადამიანმა.  

© Levan Avlabreliტურისტები მთაწმინდიდან თბილისის ულამაზესი ხედებით ტკბებიან.
ტურისტები მთაწმინდიდან თბილისის ულამაზესი ხედებით ტკბებიან. - Sputnik საქართველო
ტურისტები მთაწმინდიდან თბილისის ულამაზესი ხედებით ტკბებიან.

ქვეყნების ტოპ-ხუთეული, რომლის მოქალაქეებმაც გასულ წელს საქართველო მოინახულეს, ასე გამოიყურება: აზერბაიჯანი — 1523 075 ადამიანი, რაც 9,3%-ით მეტია 2015 წლის მონაცემთან შედარებით, სომხეთი — 1496 246 ადამიანი (+1.9%); თურქეთი — 1254 089 ადამიანი, რუსეთი — 1037 564 ადამიანი (+12%) და უკრაინა 172 631 (+21,8%).

ვიზიტორების განსაკუთრებული ზრდა დაფიქსირებულია ირანიდან (+485%), ინდოეთიდან (+199%), საუდის არაბეთიდან (+116%), ფინეთიდან  (+89%), ომანიდან (+75%) და ჩინეთიდან (+46%).

საზღვარგარეთის ტურიზმიდან 2016 წელს შემოსავალმა ორ მილიარდ აშშ დოლარზე მეტი შეადგინა, რაც საქართველოს პრემიერ-მინისტრ გიორგი კვირიკაშვილის განცხადებით, კარგი შედეგია.

„ეს ერთობლივი ძალების შედეგია, რომელიც ჩვენ განვახორციელეთ როგორც ინფრასტრუქტურის მიმართულებით,  ისე საქართველოს, როგორც მიმზიდველი ტურისტული მიმართულების საერთაშორისო პოზიციონირებით“, — აღნიშნა კვირიკაშვილმა ოთხშაბათს გამართულ მთავრობის სხდომაზე. 

საქართველოს ხელისუფლება ვარაუდობს, რომ 2025 წლისთვის საქართველო ცნობილი იქნება როგორც ტურისტული ქვეყანა, რომელიც წელიწადის ნებისმიერ დროს შეძლებს მსოფლიო დონის მომსახურების შეთავაზებას.


ყველა ახალი ამბავი
0