როგორ ამოვიცნოთ მწიფე და ტკბილი საზამთრო: მარტივი ნიშნები

© Pixabay / Suanpaსაზამთრო
საზამთრო - Sputnik საქართველო, 1920, 08.07.2021
გამოწერა
გარეგნულად ლამაზი და თვალმახარა საზამთრო შეიძლება სულაც არ იყოს მწიფე და ტკბილი, ამიტომ საჭიროა იცოდეთ რამდენიმე წესი, რომლებიც კარგად შემოსული ნაყოფის შერჩევას გაგიადვილებთ.
საზამთრო  - Sputnik საქართველო, 1920, 19.08.2020
საზამთრო და საზამთროს კურკა – რა სარგებლობა მოაქვს და როდის შეიძლება გვავნოს
სპეციალისტების თქმით, პირველი, რასაც ყურადღება უნდა მიექცეს საზამთროს ყიდვისას, ეს მისი ზომაა.
დაიმახსოვრეთ: რაც უფრო დიდია საზამთრო, მით მეტია ალბათობა, რომ ის კარგადაა შემოსული, ანუ მწიფეა. 5–7 კგ-ზე ნაკლები წონის საზამთროს ყიდვა სასურველი არ არის.
ამასთან, როგორც ცნობილია, საზამთროებს სქესის მიხედვით განასხვავებენ: „მამალი“ საზამთრო შედარებით დიდია და წაგრძელებული ფორმა აქვს, ხოლო „დედალი“ უფრო პატარაა და მომრგვალებული. იცოდეთ, რომ „გოგო–საზამთრო“ ბევრად გემრიელი და ტკბილია.
გარდა ამისა, სპეციალისტები ასახელებენ კარგად დამწიფებული და ტკბილი საზამთროს ორ სხვა ნიშანსაც. ესენია:
  • ყუნწი — სწორედ ყუნწი „გიკარნახებთ“, რამდენად მწიფეა ხილი. თუ ის ყვითელია და გამხმარი, ე.ი. საზამთრო მწიფეა, ხოლო თუ მწვანე — ე.ი. საზამთრო ნაადრევადაა მოწყვეტილი.
  • ხმა — მწიფე საზამთრო დაკაკუნებისას მჟღერ ბგერას გამოსცემს, ხოლო ხელის მოჭერისას მსუბუქი სკდომის ხმა უნდა გაიგონოთ.

გახსოვდეთ:

ნუ გააჭრევინებთ გამყიდველს საზამთროს მის სიმწიფე–სიწითლეში დასარწმუნებლად. საქმე ისაა, რომ ის მომენტალურად „იწოვს“ მტვერსაც და ბაქტერიებსაც და სანამ შინ მიიტანთ, საზამთრო უკვე დაბინძურებული იქნება.
არის თუ არა საზამთრო ქიმიკატებით მდიდარი, ამის ზედაპირულად განსაზღვრა შეუძლებელია. ამას მხოლოდ მისი გაჭრის შემდეგ მიხვდებით. თუ საზამთროს რბილობს თეთრი ან მოყვითალო ძარღვები დასდევს, ე.ი. ის დასაშვებზე მეტი რაოდენობით შეიცავს ნიტრატებსა და პესტიციდებს.
ყველა ახალი ამბავი
0