გადაყარეთ უსარგებლო ნივთები – ისინი თქვენს ცხოვრებას ამუხრუჭებენ

გამოწერა
იცით, რომ ნივთებსაც აქვს თავისი აურა და ზოგიერთს - ნეგატიური? ხანდახან ჩვენს ცხოვრებაში წარუმატებელი პერიოდი, შესაძლოა, სწორედ ასეთი ნივთების დაგროვებამ გამოიწვიოს.

ახალი წლის დღეებში, ტრადიციულად, სახლს ვალაგებთ, ვასუფთავებთ, მაგრამ განა ყოველთვის ვაგდებთ იმას, რასაც დიდი ხანია, ყავლი გაუვიდა, წლებია, აღარ გამოგვიყენებია? და მაინც – ესა თუ ის ნივთი ჯიუტად იკავებს ადგილს გარდერობში თუ ჩვენი სახლის ამა თუ იმ თაროზე, რატომღაც ვერ ველევით მას და გვენანება მისი გადაგდება ან სხვისთვის მიცემა.

რა საიდუმლოს ინახავს სარკე>>

ხშირად ვეძებთ მიზეზებს, რატომ დაგვიდგა ასეთი უიღბლო ხანა ცხოვრებაში, რატომ მიდის ჩვენი საქმეები უკუღმა და კარგი განწყობაც, შესაბამისად, გაუჩინარდა. ამის პასუხი, შესაძლოა, ქვემოთ ჩამოთვლილ ნივთებში იყოს, რომლებსაც ჩვენს ცხოვრებაში ქაოსი შემოაქვს.

ახალი საკუთარი თავის შექმნა მხოლოდ იმ შემთხვევაში შეიძლება, თუ გაიაზრებთ, რომ ძველი გამოცდილება ამაში ვერ დაგეხმარებათ. - Sputnik საქართველო
ახალი ცხოვრება გინდა? მაშინ გათავისუფლდი ძველისგან!

• „მკვდარი" ნივთები

საუბარია სხვადასხვა გამხმარ ყვავილზე, მოკლული ცხოველების ფიტულებზე, შესაძლოა, ნიჟარებზეც კი. თუ გიყვართ ცოცხალი ყვავილები, კარგად მოუარეთ მათ, რომ არ გახმეს, ნიჟარები ხშირად გაწმინდეთ, რათა ცუდ აურასთან დაკავშირებული პრობლემები თავიდან აიცილოთ.

• ბუნებრივი კატასტროფების ამსახველი სურათები და ფოტოები

საუბარია არა მხოლოდ გლობალურ კატასტროფებზე, არამედ ისეთ სურათებზეც, სადაც გამოსახულია ძლიერი წვიმა, დიდთოვლობა და სხვა, რომლებიც თქვენში დადებით ემოციებს არ აღძრავს.

• უწყვილო ნივთები

თუ შემოგრჩათ ძველი ერთი ცალი თხილამური, ან ერთი კედი, რომელიც ძალიან მოგწონდათ, მაგრამ არ იცით, სადაა მისი მეორე ცალი, სასწრაფოდ მოიშორეთ ისინი.

არომათერაპია და მისი ზეგავლენა ადამიანებზე>>

• გაჩერებული საათი

ეს ძალიან ცუდი ნიშანია, ამიტომ იზრუნეთ, რომ სახლში ყველა საათი მუშაობდეს. თუ მათი შეკეთება უკვე აღარ შეიძლება, გაიტანეთ ისინი სახლიდან და გადააგდეთ.

გაცვეთილი ცოცხი

ყველაფერი, რითიც სახლს ასუფთავებთ, წესრიგში უნდა იყოს. თუ ცოცხი უკვე გაცვდა, ახლით შეცვალეთ, ამან, შესაძლოა, ფინანსური პრობლემები მოგიტანოთ.

თუ თავს დაღლილად გრძნობთ, ეს, შესაძლოა, თქვენი ჩვევების ბრალიც იყოს - Sputnik საქართველო
რჩევები, რომლებიც ენერგიის აღდგენაში დაგეხმარებათ

• ფოტოები, რომლებიც თქვენში დადებით ემოციებს არ იწვევს

ყველაფერი, რაც თქვენში ნეგატივს იწვევს, უნდა მოიშოროთ სახლიდან — ეს სრულებით ლოგიკური და სწორი საქციელია.

• წვრილი ნაგავი ჯიბეში, საფულესა თუ ჩანთაში

როგორც ამბობენ, ასეთი წვრილმანებით დიდი პრობლემები იწყება. თუ გსურთ თქვენს ცხოვრებაში ჰარმონიამ დაისადგუროს, ეცადეთ, ყველა ნივთი წესრიგში გქონდეთ.

• ნივთები, რომლებიც სამ წელზე მეტია, აღარ გამოგიყენებიათ

ისინი უმოძრაობის ენერგეტიკას აგროვებს, ამიტომ თქვენ გარშემო განვითარებას აფერხებს. არ ღირს ისეთი ნივთების შენახვა, რომელთა გამოყენებას ნამდვილად არ აპირებთ.

• გატეხილი მინები

ისინი დაცვაში არსებული ხვრელის გარღვევის სიმბოლოა. მიდევნეთ თვალი, რომ ყველა სარკე, ჭურჭელი და სხვა მტვრევადი საგანი მთლიანი იყოს. თუ გაიბზარა ან გატყდა — მოიშორეთ თავიდან!

ადამიანის ენერგეტიკა - Sputnik საქართველო
როგორ გავწმინდოთ სახლი ნეგატიური ენერგიისგან - სასარგებლო რჩევები

• ძველი ნივთები

თუ არ შეგიძლიათ ძველი ტანსაცმლის გადაყრა, მაშინ მოწყალების ან ქველმოქმედების სახით გაეცით. არ არის საჭირო, სახლში შეინახოთ ის, რის ჩაცმასაც არ აპირებთ.

შესაძლოა, ზოგიერთი რჩევა სხვა დროსაც გსმენიათ, მაგრამ ყური დაუგდეთ მას? შეიძლება, არც გჯერათ ამის და ცრურწმენა გგონიათ. სცადეთ, მოაშორეთ სახლიდან, ჯიბეებიდან, კარადებიდან ძველი, უსარგებლო ნივთები — იქნებ და „გაჭრას"? თუ არა, დალაგებული სახლი მაინც „შეგრჩებათ".

ერთი რამ კი ნამდვილად ასეა: როცა ჰარმონიულ გარემოში ვცხოვრობთ, ეს ჩვენს განწყობაზე, ფიქრებზე, აზროვნებაზე დადებით მოქმედებს; როცა ქველმოქმედებას ვეწევით, ეს ჩვენს ენერგეტიკაზე დადებითად აისახება; როცა კარგი, კეთილი აზრები მოგვდის თავში, ეს ჩვენს განწყობაზე აისახება პოზიტიურად… ასე რომ, გაიღიმეთ, გადაყარეთ ძველი, გამოუსადეგარი ნივთები და თქვენც გათავისუფლდით ყოველგვარი ნეგატივისგან!

ყველა ახალი ამბავი
0