იკრძალება თავის ტკივილების დროს: დასახელდა რაციონიდან ამოსაღები პროდუქტები

© unsplash/ Nik Shuliahin თავის ტკივილი
თავის ტკივილი - Sputnik საქართველო
გამოწერა
ესპანელი დიეტოლოგები ხაზს უსვამენ, რომ პაციენტები, რომლებსაც თავის ტკივილები აწუხებთ, სამ საათში ერთხელ უნდა იკვებებოდნენ.

თბილისი, 19 ოქტომბერი — Sputnik. არსებობს ისეთი პროდუქტები, რომლებიც აუცილებლად უნდა ამოიღოთ რაციონიდან, თუ თავის ტკივილები გაწუხებთ, წერს ესპანური გამოცემა La Vanguardia დიეტოლოგებზე — სანდრა ბაკერსა და ალვარო სანჩესზე დაყრდნობით.

თავის ტკივილი - Sputnik საქართველო
შეუსწავლელი დაავადება: იაპონელმა მეცნიერებმა შაკიკის მიზეზი დაადგინეს

სპეციალისტების თქმით, თავის ტკივილი სხვადასხვა ფაქტორებმა შეიძლება გამოიწვიოს და ამიტომ, „პერიოდული ტკივილების შემთხვევაში, მიზეზის დასადგენად აუცილებელი მიმართოთ ექიმს“. გარდა ამისა, საჭიროა კორექტივების შეტანა კვებით ჩვევებშიც, რაც სუსტი თუ საშუალო ინტენსივობის ტკივილის შემთხვევაში, როგორც წესი, საერთო მდგომარეობას აუმჯობესებს.

ბაკერისა და სანჩესის თქმით, პირველ რიგში უნდა გამოირიცხოს ცისფერი (ანუ ობიანი) ყველის ყველა სახეობა და ცისტრუსები, ვინაიდან ისინი დიდი რაოდენობით ჰისტამინს შეიცავს. ეს არის ქსოვილური ჰორმონი, ბიოლოგიურად აქტიური ნივთიერება, რომელიც იწვევს კაპილარების გაფართოებას, მსხვილი სისხლძარღვების შევიწროებას და სხვ.

ჰისტამინს ასევე ჭარბი რაოდენობით შეიცავს ავოკადოც, რომელზეც, ესპანელი დიეტოლოგების რეკომენდაციით, ასევე უარი უნდა თქვან მათ, ვისაც თავის ტკივილები აწუხებს — მიუხედავად იმისა, რომ ეს პროდუქტი ძალიან მდიდარია გულისთვის სასარგებლო ცხიმმჟავებით.

ქალი შაკიკის შეტევის დროს - Sputnik საქართველო
მარტივი რეცეპტი შაკიკის სამკურნალოდ — ამბობენ, რომ უებარია

ჰისტამინს დიდი რაოდენობით შეიცავს ასევე წითელი ღვინო, ძეხვეული და ღრმა დამუშავების ხორცპროდუქტები.

დიეტოლოგები ასევე არ გამორიცხავენ, რომ თავის ტკივილებს იწვევდეს ყავა და კოფეინის შემცველი სხვა სასმელებიც, ამიტომ ეპიზოდური შაკიკისადმი მიდრეკილმა ადმიანებმა ეს ფაქტი უნდა უნდა გაითვალისწინონ. თუმცა ექიმები აფრთხილებენ ასეთებს, რომ მსგავსი სასმელები ნელ-ნელა უნდა შეიზღუდოს, ვინაიდან რაციონიდან მათი მკვეთრად ამოღება ასევე შეიძლება იქცეს თავის ტკივილების მიზეზად. 

გარდა ამისა, ესპანელი დიეტოლოგები ხაზს უსვამენ, რომ პაციენტები, რომლებსაც თავის ტკივილები აწუხებთ, სამ საათში ერთხელ უნდა იკვებებოდნენ. ეს იმიტომ, რომ როდესაც ადამიანი დიდი ხნის განმავლობაში არ ჭამს, სისხლში გლუკოზის დონე ეცემა და თავის ტკივილი ეწყება.

ყველა ახალი ამბავი
0