„ბორჯღალოსნების" მწვრთნელის მდგომარეობა მძიმეა - ლევან მაისაშვილი კორონავირუსს ებრძვის

© Georgian Rugbyლევან მაისაშვილი
ლევან მაისაშვილი - Sputnik საქართველო, 1920, 16.07.2021
გამოწერა
ლევან მაისაშვილი მკურნალობის კურსს სამხრეთ აფრიკაში გადის, სადაც „ბორჯღალოსნებს" ადგილობრივ ნაკრებთან ამხანაგური შეხვედრა ჰქონდათ დაგეგმილი.
თბილისი, 16 ივლისი — Sputnik. საქართველოს რაგბის ნაკრების მთავარი მწვრთნელი ლევან მაისაშვილი კოვიდ-ინფიცირებულია და მისი ჯანმრთელობის მდგომარეობა მძიმეა, განაცხადა რაგბის კავშირის პრეზიდენტმა სოსო ტყემალაძემ რადიო Georgian Times-ის გადაცემაში საუბრისას.
რაგბი. საქართველო-ურუგვაი - Sputnik საქართველო, 1920, 04.07.2021
რაგბი: საქართველოს ახალგაზრდულმა ნაკრებმა ურუგვაელებთან რევანში აიღო
საქართველოსა და სამხრეთ აფრიკის რაგბის ნაკრებებს შორის დაგეგმილი მეორე ტესტ-მატჩი, რომელიც სამხრეთ აფრიკაში 9 ივლისს უნდა გამართულიყო, კორონავირუსის ფაქტების გამოვლენის გამო გაუქმდა. ვირუსი ბორჯღალოსანთა რიგებში რამდენიმე ადამიანს დაუდასტურდა, ერთ-ერთი გუნდის მთავარი მწვრთნელი ლევან მაისაშვილია.
გავრცელებული ინფორმაციით, საქართველოს ნაკრების მწვრთნელს ფილტვები აქვს დაზიანებული. მაისაშვილი ამ დროისთვის ნაკრებთან ერთად სამხრეთ აფრიკაში იმყოფება და მკურნალობის კურსს გადის.
„მას ფილტვები საკმაოდ დაზიანებული აქვს და სიცოცხლისთვის იბრძვის. ყველას მოვუწოდებ, რომ მისთვის ილოცონ. ყველაზე მეტად სწორედ ის ფრთხილობდა. აქვე მოვუწოდებ ყველას, რომ ვაქცინაცია აქტიურად გაგრძელდეს", - განაცხადა რაგბის კავშირის პრეზიდენტმა.
საქართველოს რაგბის ნაკრებსა და მსოფლიოს მოქმედ ჩემპიონს შორის პირველი ტესტ–მატჩი, რომელიც 2 ივლისს გაიმართა, სამხრეთ აფრიკის გუნდის გამარჯვებით – 40:09 დასრულდა. სამხრეთ აფრიკასთან განმეორებით შეხვედრასთან ერთად, 17 ივლისს თბილისში დაგეგმილი შოტლანდიასთან მატჩიც გაუქმდა.
ყველა ახალი ამბავი
0