ტოჩინოშინის მორიგი გამარჯვება - ქართველი დადებითი ბალანსისთვის იბრძვის

© courtesy of Giorgi Margvelashviliლევან გორგაძე
ლევან გორგაძე - Sputnik საქართველო, 1920, 25.03.2021
გამოწერა
იაპონიის დედაქალაქში მიმდინარე ჰარუ ბაშოზე ლევან გორგაძემ დაძაბულ ბრძოლაში იაპონელ ტაკარაფუჯის აჯობა, ქართველის შემდეგი მეტოქე კი კირიბაიამა იქნება.

თბილისი, 25 მარტი - Sputnik. ტოკიოში მიმდინარე მარტის ბაშოზე ქართველმა სუმოისტმა ლევან გორგაძემ, იგივე ტოჩინოშინმა ზედიზედ მეორე გამარჯვება იზეიმა.

ტოჩინოშინი - Sputnik საქართველო, 1920, 24.03.2021
ტოჩინოშინმა წაგებების სერიის შემდეგ მოგება იზეიმა

ლევანმა, რომელიც მარტის ბაშოზე მე-7 მაეგაშირას წოდებით ასპარეზობს, სუპერტურნირის მე–12 დღეს ურთულეს ორთაბრძოლაში ტაკარაფუჯის მოუგო. სუმოისტებს შორის შერკინებამ წუთზე მეტხანს გასტანა, რაც ამ სპორტში საკმაოდ იშვიათია. ლევან გორგაძემ იაპონელი მეტოქე დოჰიოს მიღმა გადაიყვანა და მარტის ბაშოზე მეხუთედ იმარჯვა.

ტოჩინოშინის ანგარიშზე მიმდინარე ტურნირზე ხუთი გამარჯვება და შვიდი მარცხია. ლევანს აღნიშნულ ბაშოზე კიდევ სამი შეხვედრის ჩატარება მოუწევს, დადებითი ბალანსის დასაფიქსირებლად კი მას სამივე ორთაბრძოლის მოგება მართებს.

ჰარუ ბაშოს მე-13 დღეს ქართველი სუმოისტის მოწინააღმდეგე აღმოსავლეთის მე-4 მაეგაშირა კირიბაიამა იქნება, რომელსაც ლევანი ურთიერთშეხვედრებში 2:1-ს უგებს.

ყველა ახალი ამბავი
0